Çempionlar Liqasının 2023/24 mövsümünün ilkin mərhələsinə yekun vuruldu. Mini-turnirdən ibarət olan bu mərhələnin bütün matçları İslandiyada keçirildi.

"Football-plus.az" xəbər verir ki, iyunun 27-də baş tutan yarımfinal oyunlarında “Buduçnost” (Monteneqro) “Atletik Eskaldes”ə (Andorra) 3:0, yerli “Breydablik” isə “Tre Penne”yə (San Marino) 7:1 hesabı ilə qalib gəldi. İslandiyanın son çempionu iyunun 30-da keçirilən finalda “Buduçnost”un qapısından 5 cavabsız top keçirərək 1-ci təsnifat mərhələsinə vəsiqə qazandı. “Breydablik” bu mərhələdə “Şemrok Rovers” (İrlandiya) ilə qarşılaşacaq. İlkin mərhələnin məğlubları isə mübarizəni Konfrans Liqasının 2-ci təsnifat mərhələsində davam etdirəcəklər.

ilkin mərhələ, yarımfinal
Tre Penne (San Marino) – Breydablik (İslandiya) 1:7
Barretta, 31 – Qünnleyqsson, 6; 89. A.Hlinsson, 25; 90+2. K.Olsen, 45+2. S.Siqurdarson, 67. B.Eynarsson, 74.
Atletik Eskaldes (Andorra) – Buduçnost (Monteneqro) 0:3
Sekuliç, 14-p.; 60. Sançes, 21-öz qapısına.

final
Buduçnost - Breydablik 0:5
B.Eynarsson, 5. S.Siqurdarson, 22. Q.Eyolfsson, 29. Qünnleyqsson, 33. Svantorsson, 74.
İlk oyunları iyulun 11-12-də, cavab görüşləri isə iyulun 18-19-da keçiriləcək 1-ci təsnifat mərhələsinin cütləri: Linkoln Red İmps (Cəbəllütariq) – QARABAĞ (AZƏRBAYCAN), Klaksvik (Farer adaları) – Ferentsvaroş (Macarıstan), Astana (Qazaxıstan) – Dinamo (Tiflis, Gürcüstan), Partizani (Albaniya) – BATE (Belarus), Urartu (Ermənistan) – Zrinski (Bosniya və Hersoqovina), Həken (İsveç) – Nyu Seynts (Uels), Ballkani (Kosovo) – Ludoqorets (Bolqarıstan), Şemrok Rovers (İrlandiya) - Breydablik (İslandiya), Jalgiris (Litva) – Struqa (Şimali Makedoniya), Olimpiya (Sloveniya) – Valmiera (Latviya), HİK (Finlandiya) – Larn (Şimali İrlandiya), Rakuv (Polşa) – Flora (Estoniya), Slovan (Slovakiya) – Svift Esperanj (Lüksemburq), Farul (Rumıniya) – Şerif (Moldova), Hamrun Spartans (Malta) – Makkabi (Hayfa, İsrail).

RAMİL