FİDE iyul ayı üçün reytinq cədvəlini açıqlayıb.

"Football-plus.az" saytının məlumatına görə, yenə ilk "10-luq"da təmsilçilərimizdən heç kim yer almayıb.

Teymur Rəcəbov (2747) bir pillə irəliləyərək 12-ci yerə yüksəlib. Şəhriyar Məmmədyarov (2742) isə 15-ci pilləni 14-ə dəyişib. Qədir Hüseynov (2661) 3 pilləlik sıçrayışla 83-cü yerə qalxıb.

Siyahıya yenə norveçli Maqnus Karlsen (2853) başçılıq edir. Onu ABŞ təmsilçiləri Hikaru Nakamura (2787) ilə Fabiano Karuana (2782) izləyir.

Qadın şahmatçılarımızdan Günay Məmmədzadə (2448) 26-cı, Ülviyyə Fətəliyeva (2401) 53-cü, Xanım Balacayeva (2368) 79-cu, Gülnar Məmmədova (2357) 86-cı, Gövhər Beydullayeva (2355) 92-ci pillədə qərarlaşıb. Burda da ilk "üçlük" dəyişməyib: Yifan Hou (Çin, 2628 ), Venyun Yu (Çin, 2564 ), Aleksandra Qoryaçkina (FİDE, 2557).