Yeni mövsümdə ölkədə premyer-liqa ilə yanaşı, birinci və ikinci liqanın da olacağından xəbəriniz var. Premyer-liqa və birinci liqa peşəkar status daşıyırsa, ikinci liqada yarımpeşəkar olacaq.

O da məlumdu ki, dövlət tərəfindən elita klublarına ildə 3 milyon, birinci liqada çıxış edəcək komandalara 300 min manat vəsait ayrılır. Yeni mövsümdən start götürəcək ikinci liqada mübarizə aparacaq klublar da diqqətdən kənarda qalmayacaq. 12 komandanın hər biri 50 min manat dotasiya ayrılacaq.

Bəs maraqlıdı, ayrılan vəsait klublara yetərli olacaq? Təbii ki, sıradan bir kollektiv, yalnız iştirak xatirinə çempionat qatılanlara üçün 50 min manat yetərlidi. Ancaq qarşısına daha ciddi məqsədlər qoyan, ildən-ilə inkişaf etmək, normal heyət formalaşdırmaq istəyən klublar üçün sözügedən məbləğ dəryada bir damladı.

AFFA-da oturanlar ümid edirlər ki, dövlətin ayırdığı vəsaitlə yanaşı, klubların təmsil olunduğu şəhər və rayonların icra hakimiyyətləri, yerli iş adamları onlara dəstək olacaqlar. Ancaq təəssüf ki, futbolumuzun başbilənləri nədənsə reallığı nərəzə almayıblar və yaxud almaq istəməyiblər. Heç kimə sirr deyil ki, ölkədə öz istəyi ilə futbola sərmayə yatızdırmaq istəyənlərin sayı heç bir əlin barmaqları qədər deyil. Tək-tük icra başçıları, iş adamları var ki, futbola maraq göstərsinlər, rayonda normal komandanın olmasına çalışsınlar. Necə ki, Şəmkirdə...

Ötən mövsüm Region Liqasında çıxış edən “Qala” yeni “futbol ili”ndə ikinci liqada mübarizə aparacaq.

“Football-plus.az”a daxil olan məlumata görə, klub rəhbərliyi AFFA-dan ayrılan vəsaitdən başqa, futbol ənənəsi olan bölgədə iddialı komanda formalaşdırmaq üçün yerli icra hakimiyyətinin də diqqətinə, daha dəqiq desək, köməyinə ümid edib. Ancaq icra hakimiyyətindən onlara bildirilib ki, heç bir maddi yardım olmayacaq.

Klub rəhbərliyi dəfələrlə Şəmkirin icra başçısı Rəşad Tağıyevin qəbuluna düşmək istəsə də, başçı hər dəfə bir bəhanə ilə görüşdən yayınıb.

Redaksiyamıza daxil olan məlumatda o deyilir ki, icra başçısı ümumiyyətlə, bölgədə futbolun olmasında maraqlı deyil.

RƏŞAD