Neçə vaxtdı futbol camiəsində premyer-liqa klublarına 3 milyon vəsait ayrılacağı, həmin məbləğin 1 milyon manatının isə uşaq futboluna yönəldiləcəyi ilə bağlı söz-söhbət dolaşır.

Ancaq hələ ortada real heç nə yoxdu. Ən maraqlısı odu ki, ödənişin hansı qurumun tərəfindən ediləcəyi də ictimaiyyətə qaranlıqdı. Bəziləri premyer-liqanın titul sponsoru “Misli”nin, bəziləri də SOCAR-ın adını çəkir.

Məsələylə bağlı bu günlərdə etibarlı mənbədən “Football-plus.az” saytına məlumat daxil olub. Mənbəmizin sözlərinə görə, sözügedən vəsait klublara SOCAR tərəfindən ayrılacaq. Həmin məbləğun 2 milyon 300 min manatı əsas komanda üçün nəzərə tutulub. 700 min manat isə infrastruktur layihələrinə, aşağı yaş qruplarına və qadın futboluna ayrılacaq. Ortada hansısa layihə və ya klubun nəzdində qadın komandası olmayacağı halda, 700 min manat büdcəyə köçürülməyəcək.

Mənbəmiz onu da bildirdi ki, hələ heç bir premyer-liqa təmsilçisinə ödəniş olunmayıb.

RƏŞAD