Mahir Emreli Türkiyə klubu “Konyaspor”da 2022/2023 mövsümünün ən zəif futbolçusu seçilib.

"Football-plus.az" “SofaScore” statistika portalına istinadən xəbər verir ki, Azərbaycan millisinin hücumçusunun çıxışı 6,46 reytinq xalı ilə qiymətləndirilib.

Bu da superliqa təmsilçisində ən aşağı göstəricidi. Reytinqə braziliyalı sol cinah müdafiəçisi Gilyerme başçılıq edib. 33 yaşlı oyunçu 7,24 xalla “Konyaspor”da mövsümün ən yaxşısı seçilib.

Qeyd edək ki, Mahir Emreli icarə əsasında formasını geyindiyi “Konyaspor”un heyətində 12 oyunda 2 qol vurub. Hücumçu müqavilə ilə məxsus olduğu Xorvatiyanın “Dinamo” (Zaqreb) klubuna qayıdıb.