Dünyanın ən güclü kişi və qadın tennisçilərinin ənənəvi həftəli reytinqi açıqlanıb.

"Football-plus.az" xəbər verir ki, ATP-nin kişi tennisçilər üçün tərtib etdiyi reytinqinə zirvəsinə ötən həftə “Rolan Qarros”u qazanan Novak Cokoviç yüksəlib. Karlos Alkaras 2-ci pilləyə enib, “3-lüy”ü Daniil Medvedev qapayır.

Qadınların reytinqində də müəyyən yerdəyişmələr var. Qazaxıstan təmsilçisi Yelena Rıbakina 3-cü pilləyə yüksəlib, rusiyalı Darya Kasatkina isə “10-luğ”u tərk edib. Reytinqin lideri yenə də İqa Sventekdi. 2-ci pillədə Arina Sobolenko qərarlaşıb.

Cokoviçin “Böyük dəbilqə” turnirlərində 23-cü qələbəsini qazanmaqla 22 titula malik Rafael Nadalı arxada qoyduğunu xəbər vermişdik. Avstriyalı Nik Kiryos serb ulduzu maraqlı şəkildə təbrik edib: “Nole, səni təbrik edirəm. Qruntda necə oynamaqla bağlı məndən məsləhət aldığın gündən yenidən “Rolan Qarros”u qazandığın günə qədər. Səninlə qürur duyuram, dostum, istənilən vaxt qulluğunda hazıram”.

Cokoviç isə onun təbrikinə belə cavab verib: “Qarşılıqlıdı, qardaş. Ot üzərində oynamaqla bağlı məsləhət lazımdısa, mən hazıram”.
Sonuncu dəfə 2017-ci ildə “Rolan Qarros”da çıxış edən Kiryos yanvarda dizindən əməliyyat olunub və bu üzdən Avstraliya Açıq Çempionatını da buraxıb.

ATP reytinqi
1 (3*). Novak Cokoviç (Serbiya) 7595
2 (1). Karlos Alkaras (İspaniya) 7175
3 (2). Daniil Medvedev (Rusiya) 6100
4 (4). Kasper Ruud (Norveç) 4960
5 (5). Stefanos Sisipas (Yunanıstan) 4920
6 (6). Holger Rune (Danimarka) 4375
7 (7). Andrey Rublev (Rusiya) 4000
8 (8). Teylor Frits (ABŞ) 3515
9 (9). Yannik Sinner (İtaliya) 3300
10 (11). Karen Xaçanov (Rusiya) 3125

WTA reytinqi
1 (1). İqa Sventek (Polşa) 8940
2 (2). Arina Sobolenko (Belarus) 8012
3 (4). Yelena Rıbakina (Qazaxıstan) 5090
5 (4). Karolin Qarsiya (Fransa) 5025
5 (3). Cessika Pequla (ABŞ) 4905
6 (7). Ons Jaber (Tunis) 3961
7 (6). Kori Qauff (ABŞ) 3435
8 (8). Mariya Sakkari (Yunanıstan) 3272
9 (10). Petra Kvitova (Çexiya) 3102
10 (14). Beatris Haddad Mayya (Braziliya) 2910
* - əvvəlki reytinqdəki yerini göstərir.