Dünyanın aparıcı kişi və qadın tennisçilərinin növbəti həftəlik reytinq cədvəli açıqlanıb.

Football-plus.az xəbər verir ki, kişi tennisçilərin ilk “10-luğ”unda müəyyən dəyişikliklər var. Belə ki, polşalı Hubert Hurkaç “10-luğ”u tərk edib. Bir həftə əvvəl 11-ci pillədə qərarlaşan Daniil Medvedev ən reytinli 10 tennisçi sırasına qayıdıb. Rusiyalının fevralın 19-da Rotterdamda keçirilən ATP 500 seriyalı turnirin finalında italiyalı Yannik Sineri məğlub etdiyini (5:7, 6:2, 6:2) də xatırladaq.

ATP reytinqinin zirvəsində isə Novak Cokoviç qərarlaşıb. Serb ulduz artıq zirvədə 377-ci həftəni keçirir. Bu isə ATP reytinqinin əsasının qoyulduğu 1973-cü ildən bəri maksimum nəticədi. Serb tennisçi dünyanın 1 nömrəli raketkası kimi keçirdiyi həftə sayına görə Şteffi Qrafla bərabərləşdi. Bu göstəricidə ilk “5-liy”ə Martina Navratiliva (332 həftə), Serena Uilyams (319) və Rocer Federer (310) də daxildi.
Qadınların reytinq cədvəlində isə bir həftə əvvəllə müqayisədə yeganə yerdəyişmə var. Cessika Pequla ilə Ons Jaber yerini dəyişib.

ATP reytinqi

1 (1*). Novak Cokoviç (Serbiya) 7070
2 (2). Karlos Alkaras (İspaniya) 6480
3 (3). Stefanos Sisipas (Yunanıstan) 5940
4 (4). Kasper Ruud (Norveç) 5515
5 (5). Andrey Rublev (Rusiya) 3860
6 (6). Rafael Nadal (İspaniya) 3815
7 (7). Teylor Frits (ABŞ) 3660
8 (11). Daniil Medvedev (Rusiya) 3250
9 (8). Feliks Oje-Alyassim (Kanada) 3200
10 (9). Holger Rune (Danimarka) 3161

WTA reytinqi

1 (1). İqa Sventek (Polşa) 10900
2 (2). Arina Sobolenko (Belarus) 6100
3 (4). Cessika Pequla (ABŞ) 5250
4 (3). Ons Jaber (Tunis) 5111
5 (5). Karolin Qarsiya (Fransa) 4835
6 (6). Koko Qauff (ABŞ) 4091
7 (7). Mariya Sakkari (Yunanıstan) 3800
8 (8). Darya Kasatkina (Rusiya) 3425
9 (9). Belinda Bençiç (İsveçrə) 3315
10 (10). Yelena Rıbakina (Qazaxıstan) 2860

* - əvvəlki reytinqdəki yerini göstərir.