"Komandamız hesabda irəlidə olsa da, avrokuboka doğru addımlayan klubun azarkeşləri passiv olmamalıdı. Onlara müraciətimin məqsədi də o idi ki, qitəmiqyaslı yarışa gedən "Qəbələ"mizə sükutla, tum çırtlamaqla yox, şüarlarla dəstək olun. Mənim iki həyatım var: biri şəxsi, digəri futboldu. Futbol həyatım birbaşa "Qəbələ" ilə bağlıdı. Yarandığı gündən "qırmızı-qaralar"a fanatlıq etmişəm. Klubun istər çempionatda, istərsə də avrokuboklarda uğurlu çıxışının şahidi olmuşam.

İnanıram ki, Konfrans Liqasında layiqincə mübarizə aparacağıq. Ən böyük arzum odu ki, bu klubun ancaq yaxşı günlərini görüm. Komandanın dağılmasını görmək istəmərəm. Hətta dua edirəm ki, mən ölüm, amma "Qəbələ"nin süqutunu görməyim. Ən azı bu baş verəcəksə, həyatda olmayım".