Premyer-liqanın 36-cı turunda "Şamaxı"nı 1:0 hesabı ilə məğlub edən "Səbail" elitada yerini qorudu.

"Football-plus.az"ın redaksiyasına "gəmiçilər"lə bağlı maraqlı informasiya daxil olub.

Sən demə, "Səbail" rəhbərliyi "ASCO Arena"nı AFFA-dan almaq istəyib. Lakin tərəflər qiymətdə razılaşmayıb. Federasiya stadion üçün klubdan 4 milyon manat tələb edib. "Səbail"in isə buna gücü çatmayıb. Sonradan ASCO rəsmiləri quruma bu pulu hissə-hissə ödəməyi təklif edib. AFFA buna da razı olmayıb. "Səbail"in stadionu almaqda əsas məqsədi ot örtüyünü dəyişmək olub. Bakı klubu aşağı yaş qrupu üzrə komandaların məşqləri arenanın ərazisində olan köməkçi meydanlarda keçirməsini də düşünüb. Lakin sonradan stadionun satışı ilə bağlı razılıq əldə olunmayıb.


İLKİN SULTANLI