"Bizi sonuncu turda çox çətin, gərgin oyun gözləyir. "Şamaxı" ilə görüş finala bərabər olacaq. Çempionatın ilk yarısını bölgə təmsilçisində keçirdim. Həm yaxşı məşqçiləri, həm də futbolçuları var. Komanda yerli gənclərdən formalaşsa da, çox döyüşkən və istəklidilər. Orda yoldaşlıq etdiyim uşaqlar var. "Şamaxı" ilə "Səbail"in elitada qalmaq uğrunda oyunda qarşılaşmasını heç istəməzdim. Hər iki komanda elitada qalmağı haqq edir. İstərdim ki, "Şamaxı" ilə kubokun finalında, avrokuboka getmək uğrunda oyunda qarşı-qarşıya gələk. Amma nə edə bilərik, bəlli qərara əsasən sonuncu yeri tutan 1-ci diviziona yuvarlanmalıdı.

Mənim üçün qarşıdakı oyuna köklənmək çətin olmayacaq. Çünki hansı komandanın üzvüyəmsə, onun uğrunda bütün qüvvəmlə meydanda can qoymalıyam. "Səbail" sponsora, bazaya, stadiona malik klubdu. Bu üzdən elitada qalması üçün bütün gücümüzü ortaya qoymalıyıq".