“Futbolçularıma iradım yoxdu”
Misli premyer-liqasında 35-ci tura yekun vurulub.
“Football-plus.az” xəbər verir ki, “Qarabağ” “Sumqayıt”ı qəbul edib - 1:2. Oyundan sonra meydan sahiblərinin çalışdırıcısı Qurban Qurbanovun mətbuat konfransı keçirilib. Sizi mütəxəssisin fikirləri ilə tanış edirik:
“Samir Abasovu təbrik edirəm. Ona uğurlar arzulayıram. Məğlub olmaq istəməzdik. Amma futbolda belə nəticələr də olur. Görüşün baxımlı keçdiyini deməzdim. Futbolçularda motivasiya da çatmırdı. Onlar hesabda geridə olanda, oyun alınmayanda meydanda əziyyət çəkirlər. Bu gün hava da isti idi. Hər bir halda mövsümün sonuna çatırıq. Oyunçularıma iradım yoxdu. Qarşıdakı matçlara baxacağıq.
- Futbolçuları bağışlamaq olar?
- Futbolçular nə edib ki? Onları çox istəyirik. Hamımız onlara güvənirik. Üzümüzü güldürüb, bizləri sevindiriblər. Məğlubiyyətsiz komanda olmur. İstəyimizə çatmışıq. Bundan sonra onları daha da yaxşı yerlərə çatıdracağıq.
- Çempionlar Liqasına hazırsız?
- Ümumən hazırıq. Sadəcə xırda detallar qalıb. Onların üzərində çalışırıq.
- Mətbuatda 5 milyon qiyməti olan futbolçularla maraqlandığınız barədə yazılır. Bu haqda nə deyə bilərsiz?
- Qarşıma belə bir xəbər çıxmayıb. Oyunçunun qiymətinin elə də önəmi yoxdu. Belə mövzular pulla həll olunmur. Həmin futbolçunun nəticə verəcəyindən əmin ola bilmirsən. Ümumilikdə transfer işlərimizi davam etdiririk.
İSMAYIL XEYRULLAYEV
Digər xəbərlər
