Əfsanəvi qapıçı dünyasını dəyişdi
Antonio Karbaxal vəfat edib.
"Football-plus.az" xəbər verir ki, Meksika yığmasının sabiq qapıçısı mayın 9-da 93 yaşında dünyasını dəyişib.
FİFA-nın prezidenti Canni İnfantino məşhur əlcək sahibinin vəfatı ilə əlaqədar başsağlığı verib:
“Beş dünya çempionatında oynayan ilk futbolçu olan Antonio Karbaxalın vəfat etməsindən böyük kədərlə xəbər tutduq. Mən onun ailəsinə və yas tutan bütün meksikalı azarkeşlərə dərin hüznlə başsağlığı verirəm”.
Karbaxal karyearsını yerli “Espanya” (1948-50) və “Leon” (1950-66) klublarında keçirib. O, 1950-ci ildən 1966-cı ilə qədər bir dəfə də dünya çempionatını buraxmayıb. Qeyd edək ki, indiyə qədər yalnız 6 oyunçu 5 dünya çempionatında çıxış edib. Antonio milli komandada 1950-66-cı illərdə 48 oyun keçirib. FİFA onu futboldakı xidmətlərinə görə xüsusi qızıl medalla təltif edib.
Digər xəbərlər
