Cari mövsümdə “Qəbələ”nin uğurlu çıxışı barədə çox danışılır.

Bildiyiniz kimi, Elmar Baxşıyevin çalışdırdığı komanda mövsümün sonuna 3 tur qalmış avrokuboklara vəsiqə uğrunda mübarizəni davam etdirir. Və hədəfinə çatmağa çox yaxındı. Bununla yanaşı, “qırmızı-qaralar” ölkə kubokunun finalına da yüksəlib.

Söylənilənlərə inansaq, komandanın 2022/23 “futbol ili”ndə ilk “beşlik”də qərarlaşan digər klublarla müqayisədə daha məhdud büdcə ilə yüksələn qrafik cızması “Qəbələ”nin fəxri prezidenti Tale Heydərovu da həvəsləndirib.

“Football-plus.az”a daxil olan məlumata görə, “Qəbələ” kuboku başı üzərinə qaldıracağı təqdirdə futbolçular fəxri prezident tərəfindən layiqincə mükafatlandırılacaq. O da deyilir ki, Tale bəy növbəti mövsümdən “Qəbələ”nin iddialı olmasını istəyir. Bunun üçün yetərincə maliyyə də ayırmağı planlaşdırıb.

RƏŞAD