Rodriqo komadasının ölkə kubokunu qazanmasına doyunca sevinə bilməyib. Səbəb onun ziyana düşməsi ilə bağlıdı.

"Football-plus.az" xəbər verir ki, “Real”ın hücumçusunun evi qarət olunub. Hadisə İspaniya kubokunun “Osasuna” ilə final matçı (2:1) zamanı baş verib. Həmin vaxt evdə heç kim olmayıb. Rodriqonun birgə yaşadığı valideynləri cinayət hadisəsi zamanı stadionda olublar. İlkin məlumatlarda qarətçilərin futbolçunun ailəsinə nə qədər ziyan vurduğuna aydınlıq gətirilmir.