“Bildiyiniz kimi, AİJA ulu öndərin xatirəsinə hər il idman jurnalistlər arasında şahmat turniri keçirir. Heydər Əliyev İli olduğu üçün bu dəfə ümummilli liderin şərəfinə beynəlxalqmiqyaslı bir iş görmək arzusundaydıq.

Təklif etdim ki, Türkiyə Spor Yazarları Dərnəyi (TSYD) ilə danışaq. İstanbulda Türkiyə və Azərbaycanın idman jurnalistləri arasında bir matç keçirək. Bu il həm də TSYD-nin 60, Türkiyə Cümhuriyyətinin 100 illiyidi. TSYD ilə danışıqlarımız uğurlu alınmadı.

Bundan sonra mən Türkiyədə də yetərincə tanınan həmkarımız Elçin Cəfərovdan xahiş etdim ki, "Qalatasaray"ın UEFA kubokunu qazandığı gün belə bir matç keçirək. Elçinin vasitəsilə danışıqlar oldu və "Qalatasaray" bu təklifi müsbət qarşıladı. Əfsanələrlə oyunda Okan Buruk, Ərgün Pənbə, Hakan Ünsal və digər ulduzların iştirakı gözlənilir. Minifutbol Federasiyası sağ olsun, dəstəyini əsirgəmədi.Bu işin alınmasında Elçinlə yanaşı, qurumun mətbuat katibi Sərxan İbrahimoğlunun böyük əməyi var. Komandanın heyətində 15-16 jurnalist yer alacaq.

Mayın 16-da qardaş ölkəyə yola düşəcəyik. İnşallah, idman jurnalistikamızın tarixinə düşəcək möhtəşəm bir hadisə olar”.