"Yarış çox yaxşı təşkil olunub"
"Yarış çox yaxşı təşkil olunub. Bu, Avropada avarçəkmənin inkişafına böyük töhfə verə bilər".
"Football-plus.az" xəbər verir ki, bunu Avropa Kanoe Assosiasiyasının (ECA) prezidenti Jan Zunqrana Suqovuşan və Mingəçevirdə keçirilən Ümummilli Lider Heydər Əliyevin anadan olmasının 100 illik yubileyinə həsr edilən "Prezident Kuboku-2023" beynəlxalq reqatası barədə danışarkən deyib.
Quruma yenicə rəhbər seçilmiş funksioner ilk xarici səfərini Azərbaycana gerçəkləşdirdiyini bildirib:
"Bu səbəbdən hazırkı yarışı izləmək mənim üçün vacib idi. Dəvətə görə Azərbaycan Kanoe və Avarçəkmə Federasiyasına (AKAF - E.S) təşəkkür edirəm. Bilirsiniz ki, mən Fransa Kanoe Federasiyasının da prezidentiyəm. Fransa Azərbaycanın üzvlüyünü tanıyan ilk ölkədi. Dövlətlərimiz, xalqlarımız arasında sıx və geniş əlaqələr mövcuddu".
Jan Zunqrananın sözlərinə görə, Suqovuşan və Mingəçevirdə keçirilən yarış gələcəkdə təqvimdə lisenziya xarakterli turnir kimi qəbul oluna bilər.
Qeyd edək ki, "Prezident Kuboku-2023" beynəlxalq reqatasına bu gün yekun vurulacaq. Mükafatlandırılma mərasimi isə mayın 7-də Bakıda keçiriləcək.
RƏŞAD
Digər xəbərlər
