Misli premyer-liqasında 32-ci turun oyunları keçirilib.

"Football-plus.az" xəbər verir ki, bu gün 2 qarşılaşma keçirilib. Oyunlar “CBC Sport” telekanalı vasitəsiylə canlı yayınlanıb.

“Neftçi” – “Qarabağ” matçı mayın 2-nə “sürüşdürülüb”.

Misli premyer-liqası
4-cü dövrə, 32-ci tur

1 may

Qəbələ - Səbail 4:2
Ramon Maçado, 21, 90+4, Petro Styasyuk, 38 (ö.q.), Əyyub Allaş, 49 - Ruslan Hacıyev, 69, Mirabdulıa Abbasov, 85
“Qəbələ”nin bu rəqiblə ev oyunlarının balansı: 10:+7=3-0, 23:6.
2017/18 - 3:1, 1:1; 2018/19 - 3:0, 2:1; 2019/20 - 3:0; 2020/21 - 1:1, 1:1; 2021/22 - 5:0, 2:0; 2022/23 – 2:1.
Cəzalı: İsnik Alimi (Qəbələ).
“Futbol+”in proqnozu: 40-30-30.
Hakimlər: RAUF ALLAHVERDİYEV, Cavanşir Yusifov, Şirmamed Mamedov, Kamranbəy Rəhimov.
Hakim-inspektor: Gülağa Cabbarov.
AFFA nümayəndəsi: Eldəniz Musayev.
Qəbələ. Şəhər stadionu. Saat 17.30

Bu rəqiblər son 15 gündə 3-cü dəfə üz-üzə gəlir. “Qəbələ” “Səbail”i kubokda üstələyərək adını finala yazdırdı. “Qırmızı-qaralar”, ümumiyyətlə, 5 qarşılaşmadı qələbə qazanır.

Psixoloji üstünlük də bölgə təmsilçisinin tərəfindədi. Bu səbəbdən də oyunun favoriti Elmar Baxşıyevin komandasıdı. Lakin Şahin Diniyevin rəhbərlik etdiyi kollektiv premyer-liqada qalmaq uğrunda çarpışır. Bu üzdən bakılılar uduzmamaq üçün bütün gücünü ortaya qoyacaq.

Komandalar indiyə kimi 22 dəfə üz-üzə gəlib. Bu görüşlərin 11-də “Qəbələ”, 5-də “Səbail” qalib gəlibsə, 6-da heç-heçə qeydə alınıb. Topların nisbətində də “radarlar” öndədi – 39:23.

Zirə - Turan Tovuz 1:3
Loris Broqno, 86 - Şəhriyar Əliyev, 3, Natan Oduva, 57, Roderik Miller, 60
“Zirə”nin bu rəqiblə ev oyunlarının balansı: 1:+1=0-0, 2:1
2022/23 – 2:1.
Cəzalılar: Qismət Alıyev, Sərtan Taşqın (hər ikisi “Zirə”), Tərlan Quliyev, Kamal Bayramov, Eltun Turabov (hamısı “Turan Tovuz”).
“Futbol+”in proqnozu: 40-30-30.
Hakimlər: RAUF CABBAROV, Elşad Abdullayev, Eyyub İbrahimov, Vüqar Həsənli.
Hakim-inspektor: Feyzulla Feyzullayev.
AFFA nümayəndəsi: Elman Musayev.
Zirə. İdman Kompleksinin stadionu. Saat 20.00

“Zirə”nin Konfrans Liqasına vəsiqə qazanmaq arzusu davam edir. Lakin indi vəziyyət fərqlidi. Çünki şans öz əllərində deyil. “Qəbələ” qarşıdakı oyunların birində uduzmalı, birində azı heç-heçə etməlidi ki, “qartallar” 4-cü pillədə qərarlaşa bilsin.

Konkret bu görüşdən danışsaq, Rəşad Sadıqovun komandası favoritdi. “Turan Tovuz” isə işini çətinə salıb. Uzun müddət turnir cədvəlinin 6-cı pilləsində qərarlaşan kollektiv mövqeyini itirə bilər. Hətta “boz qurd”un premyer-liqanı tərk etmək ehtimalı da var. Bu səbəbdən də “Zirə” ilə görüş bölgə təmsilçisi üçün olduqca vacibdi.

29 aprel

Kəpəz – Sumqayıt 0:1
Vüsal İsgəndərli, 64
“Kəpəz”in bu rəqiblə ev oyunlarının balansı: 11:+4=5-2, 11:8.
2011/12 - 1:1, 4:1; 2012/13 - 0:0, 1:0; 2015/16 - 3:1, 0:0; 2016/17 - 0:0, 1:0; 2017/18 - 0:3, 1:1; 2022/23 – 0:1.
Cəzalı: yoxdu.
“Futbol+”in proqnozu: 40-30-30.
Hakimlər: TURAL QURBANOV, Vüsal Məmmədov, Zöhrab Abbasov, Nicat İsmayıllı.
Hakim-inspektor: Babək Quliyev.
AFFA nümayəndəsi: Rüfət Əmirov.
Qəbələ. Şəhər stadionu. Saat 16.00

Aşağı pillələrdə yer alan komandaların görüşü maraqla gözlənilir. Favorit “Kəpəz”di. Gəncəlilər bu görüşdə qələbə qazansa, demək olar ki, elitada qalmağı təmin edəcək. “Sumqayıt” da asan təslim olmayacaq. “Kimyaçılar” təhlükəli zonadan qurtulmaq istəyir. Bu məqamları nəzərə alsaq, oyun olduqca maraqlı və gərgin keçəcək.

Ümumiyyətlə, komandalar indiyə kimi Azərbaycan çempionatında 23 dəfə üz-üzə gəlib. Bu görüşlərin 6-da “sarı-göylər”, 9-da “kimyaçılar” qələbə qazanıbsa, 8-də heç-heçə qeydə alınıb. Topların nisbətində sumqayıtlılar öndədi – 30:24.

Sabah – Şamaxı 1:0
Aleksey Kaşuk, 7
“Sabah”ın bu rəqiblə ev oyunlarının balansı: 8:+2=3-3, 11:10.
2018/19 - 1:2, 1:1; 20219/20 - 0:1; 2020/21 - 0:2, 1:1; 2021/22 - 2:1, 5:1; 2022/23 – 1:1.
Cəzalı: yoxdu.
“Futbol+”in proqnozu: 50-30-20.
Hakimlər: FƏRİD HACIYEV, Cəmil Quliyev, Teymur Teymurov, Rəvan Həmzəzadə.
Hakim-inspektor: Ömər Paşayev.
AFFA nümayəndəsi: Elçin Məmmədov.
Bakı. “Bank Respublika Arena”. Saat 18.30

“Sabah”ın işləri qaydasında gedir. “Bayquşlar” ardıcıl iki görüşdə qələbə qazanıb. Hətta onların lider “Qarabağ”a çatmaq şansı da var. Bu görüşdə Murad Musayevin komandası qalib gəlsə, ağdamlılarla xal fərqini 4-ə endirəcək.

Nəzərə alaq ki, “köhlən atlar” bu tur “Neftçi”nin qonağı olacaq. Flaqmanın qələbə qazanmaq ehtimalını düşünsək, bu həftə “Sabah” üçün bir fürsətdi. Bu səbəbdən də qarşılaşmanın aşkar favoriti Masazır klubudu. “Şamaxı” da premyer-liqadan düşmək istəmir. “Şirlər”in hazırkı mövqeyini nəzərə alsaq, əzmkarlıq hesabına qələbə qazanmaq və ya heç-heçə etmək ehtimalı var.

Komandalar indiyə kimi 17 matçda münasibətləri aydınlaşdırıb. Bu görüşlərin 5-də “Sabah”, 6-da “Şamaxı” qələbə qazanıb, 6-da isə qalib müəyyənləşməyib. Topların nisbətində də “şirlər” öndədi – 19:17.

1. Qarabağ 31 24 6 1 77-20 78
2. Sabah 32 23 5 4 68-23 74
3. Neftçi 31 18 7 6 56-28 61
4. Qəbələ 31 12 9 10 41-39 45
5. Zirə 31 11 9 11 37-42 42
6. Turan Tovuz 31 7 8 16 24-42 29
7. Kəpəz 32 6 11 15 31-54 29
8. Sumqayıt 32 7 7 18 23-59 28
9. Şamaxı 32 4 11 17 25-47 23
10. Səbail 31 5 7 19 24-52 22