"Qələbə seriyamızın 1-ci odu ki, yetirmələrimdə özünəinam artıb. İkincisi, taktikada müəyyən dəyişikliklər etmişik. Oyunun gedişində fərqli variantlardan istifadə edirik. Heyətimiz kasad olsa da, sadaladığım nüanslar bizim kimi klublar üçün vacibdi. Son oyunlarda yetirmələrimdə hərtərəfli inkişaf görürəm. Hətta Səbail-2" və "Neftçi-2"yə uduzduğumuz oyunlarda da yaxşı çıxış etmişdik. Sadəcə, təcrübəsizlik və kobud səhvlər xal qazana bilməməyimizlə nəticələnmişdi.

Şərait, imkan yaxşı olmasa da, uşaqlar həm məşqlərdə, həm də oyunlarda böyük işlər görür. Uğurlu seriyanı davam etdirməyə çalışacağıq”.

"Həm mən, həm komanda, həm də rayonumuz üçün elitada çıxış etməyi çox istərdik. Amma meydanda sırf buna görə döyüşmürük. Hər bir məşqçi kimi mən də komandamın yaxşı yerlərdə olmasını istəyirəm. Çempion olmaq şansımız yoxdu, ikinci yeri tutmağımız da, demək olar ki, real deyil. Amma üçüncülüyə ümid var. Hazırda həmin mövqedə qərarlaşan "Qəbələ-2"dən 1 xal geri qalırıq. Ona görə də mövsümü ilk "3-lük"də tamamlamaq üçün sona qədər mübarizə aparacağıq.

Premyer-liqaya çıxsaq da, çıxmasaq da, əsas oyunumuzun inkişafı, yaxşı nəticələr və mükafatçılar sırasında olmaqdı. Heç kimin "Zaqatala"nı qapazaltı saymasına imkan vermərik".

"Qış fasiləsində bəzi problemi var idi. Bu üzdən məşqsiz qaldı və formasını qoruya bilmədi. Sevindirici haldı ki, ikinci dövrədə onun oyununda da artım var. Amma hələlik pik formada deyil.

Futbolçu seçimimiz çox, arzuladığımız rəqabət olsaydı, Cəlalın inkişafı baxımından daha yaxşı olardı. Buna rəğmən, həvəslə çalışır, hətta əlavə məşqlər də edir. Bu, bizi də sevindirir. Bu tempi qorusa və qarşısına daha ciddi hədəflər qoysa, böyük işlər görəcəyinə inanıram".