Birinci divizionda oynayan Nikolos Saknelaşvili kimdi? - AÇIQLAMA
"Zaqatala" birinci diviziona məğlubiyyətlə başladı. Bölgə təmsilçisi ilk oyunda MOİK-ə 0:2 hesabı ilə uduzdu.
Bu qarşılaşmada komandanın heyətində bir futbolçu - Nikolos Saknelaşvili diqqətimizi çəkdi. Onunla bağlı ətraflı məlumat almaq üçün “Zaqatala”nın baş məşqçisi Rüstəm Məmmədovla əlaqə saxladıq. Mütəxəssis “Football-plus.az” saytına bunları söylədi:
"Saknelaşvili gürcü deyil. İnqiloydu, Qaxdandı. Pis futbolçu olmasa da, hələ tam formada deyil. Ampluaca yarımmüdafiəçidi. Heyətdə itkilərimiz çox olduğundan onu müdafiəçi kimi oynatdıq. Amma gözlədiyim effekti vermədi. İrəlidə daha yaxşı oynayır, hücumlara qoşulmağı, cinahdan reydlər etməyi sevir. Hələ üzərində çox işləyib formasını bərpa etməlidi. Qarşıdakı oyunlarda onu doğma mövqeyində oynadacam".
Rüstəm Məmmədov yeni oyunçu transferinə də toxundu:
"Hələ ki planımızda yeni transfer gözlənilmir. Büdcəmiz çox aşağıdı. Amma yaxşı futbolçu olsa, büdcəmiz də imkan versə, cəlb edə bilərik. Bilirsiz ki, 1-ci divizionun səviyyəsi yüksək deyil, hər futbolçu burda çıxış etmək istəmir. Bizdə də maaşlar azdı. Hazırkı şəraitə uyğun futbolçu tapmaq çox çətindi".
ABDULLA İSMAYILOĞLU
Digər xəbərlər
