“Sumqayıt” premyer-liqanın son turlarında qənaətbəxş nəticə əldə etmir.

“Football-plus.az” xəbər verir ki, klubun fanklubu “kimyaçılar” bununla bağlı bəyənat yayıb. Həmin bəyənatı diqqətinizə çatdırırıq:

“Sumqayıt”a olan borcu qaytarmağın vaxtıdı

“Sumqayıt” Futbol Klubunun fanklubu olaraq bu qeydləri aparmğı özümüzə borc bildik. Premyer-liqanın 31-ci turunda “Kapital Bank Arena”da “Qəbələ” ilə baş tutan qarşılaşmada son dəqiqə qolu ilə məğlub olduq. Halbuki, hər kəs dərk edirdi ki, bu qələbə bizə nə qədər vacib idi. Bu futboldu, bu idman növündə belə qarşılaşmalar hər zaman olur. Narazı və razı qaldığımız kifayət qədər səbəblər var. Amma bu müraciəti kimisə tənqid və tərif üçün yazmırıq.

Sadəcə, burdan futbolçularımıza səslənirik. Biz azarkeş qrupu olaraq daim komandamızın, baş məşqçimizin və sizlərin arxasında olmuşuq, bundan sonra da olacağımıza söz veririk.

Fikirlərimizin ümumi olaraq komandaya çatdırmasının faydalı olacağını nəzərə alaraq burdan bütün futbolçularımıza səslənirik:

Əsas istəyimiz odu ki, futbolçularımız məsluliyyəti tam dərk etsinlər. Artıq bundan sonrakı oyunlarda səhv etməyə, ən əsası da Siz futbolçuların haqqı yoxdur. Yarımmilyonluq bir şəhərin klubunun taleyi sizlərin əllərindədi.

Ən başda kapitanlar - Vurğun Hüseynov və Vüqar Mustafayev olmaqla bütün futbolçular birləşib növbəti oyunları çıxarmağa borcludular. Bu klub həqiqətən, heyətdə yer alan futbolçular üçün çox şey edib. İndi birləşmək, toparlanmaq zamanıdı. Bir şəhər, bir klub üçün lazım gələrsə imkansızı etməyə borclusunuz.

“Qəbələ” ilə oyunda vermədiyi ötürməyə görə tənqid olunan Vüsal İsgəndərli, klubumuzun akademiyasında yetişən bu səviyyəyə gəlib çatmağı bacaran Səbuhi, Rüfət, Süleyman, bu şəhərin komandasından Azərbaycan millisinə kimi yüksəlmiş Aydın Bayramov, Elvin Bədəlov, Murad Xaçayev, bütün oyunlarda əlindən gələn hər şeyi edən Murata Musaki, Karim Abubakar, son qarşılaşmalarda oyunu ilə rəğbət qazanan İlnur Vəliyev, “Turan Tovuz”la görüşdə 2 qol vurub komandamıza qələbə gətirən Kamran Əliyev, fərqli ölkələrdən olan Stiven Perreyra, Terens Tisdell, Todor Todoroski və Dieqo Karioka sözümüz sizlərədi.

İndi toparlanmaq zamanıdı. bu şəhərə, bu komandaya olan borcu qaytarmağın zamanıdı. Hər oyun bizlər üçün finala bərabərdi, gəlin birlikdə bu məsuliyyəti dərk edək. Hər oyuna final gözü ilə baxaq, bizlər də arxanızdayıq. Bu azarkeşin haqqıdır nəticəyə, qələbələrə sevinməkdi. Növbəti oyunlarda qazanılan uğurlu nəticələrə çox ehtiyacımız var. İnamımız sonsuzdu, sadəcə olaraq məsuliyyəti dərk edək.