''Son oyunlarda performansımız çox yaxşıdı. Mən rəqiblərimizin oyunlarını izləməyi çox da xoşlamıram. Çünki oyunu öz lehlərinə çevirəndə əsəbləşirəm. ''Arsenal''ın son turda yenə xal itirməsi bizim üçün yaxşı oldu. Çərşənbə günü onları öz meydanımızda yenib zirvəyə yüksəlmək istəyirik. Müqaviləmlə bağlı yeni durum yoxdu. Danışıqlar davam edir. Nə olacağını bilmirəm. Mən yalnız meydana və öz oyunuma köklənmişəm. Qərar verildikdən sonra bunu hamı biləcək. Bu mövsümü 3 titulla bitirə bilərik. Məni indi yalnız bu maraqlandırır. Nə vaxtsa, Türkiyədə oynayarammı? Bu suala nə müsbət cavab verə bilərəm, nə də mənfi. Qismət olsa, bir gün oynayacam. Olmasa, oyunları televizordan izləməkdə davam edəcəm. Xüsusilə də Türkiyə klublarının avrokuboklardakı bütün oyunlarını izləyirəm. Superliqanı da izləməyi sevirəm. ''Real''a qarşı yarımfinal oyunlarını böyük səbirsizliklə gözləyirəm. Mənim üçün bu mövsümün fərqli önəmi və motivasiyası var. Çünki final İstanbuldadı. ''Real''dan ötən mövsümkü məğlubiyyətin qisasını almağa çalışacağıq. Türkiyədə ÇL kubokunu başımın üzərinə qaldırmaq həm mənim, həm də ailəm üçün çox böyük qürur olar''.