İlkay Gündoğan ÇL-in finalını izləyəcəkmi?
''Mançester Siti''nin və Almaniya yığmasının təcrübəli yarımmüdafiəçisi İlkay Gündoğan İngiltərənin ''Daily Mail'' nəşrinə maraqlı açıqlamalar verib.
"Football-plus.az" xəbər verir ki, 30 yaşlı futbolçunun bu mövsüm ''Mançester Siti''nin oyunu olan gün ''Fənərbaxça'' - ''Galatasaray'' derbisini izləməsi İngiltərədə gündəm olmuşdu. İlkay həm bu məqama açıqlıq gətirib, həm də ''Real''a dramatik şəkildə məğlub olduqları ÇL-in yarımfinalı barədə danışaraq finalı izləməyəcəyini etiraf edib:
'
'Siti''nin oyunu olan gün İstanbul derbisini nə üçün izlədim? Çünki bu, mənim üçün daha çox maraq kəsb edən oyun idi. Hansı qarşılaşma mənim üçün maraqlıdısa, onu da izləyirəm. ÇL-in finalına yüksələ bilmədiyimizə görə hələ də çox üzgünəm. Əminliklə deyə bilərəm ki, Parisdəki finalı izləməyəcəm. O gün başımı başqa bir şeylə qatmağa çalışacam. Hərçənd çox güman bunun heç bir xeyri olmayacaq. Çünki bu cür böyük fürsəti əldən verməyimizlə barışmaq çox ağır və çətindi. Məndən həmin gün nəyi düz etmədiyimizi soruşsaz, sizə konkret bir cavab verə bilmərəm. Çünki pis oynamadıq. Amma fakt budu ki, son anlarda iki qol buraxdıq və finaldan kənar qaldıq. Bəlkə də qələbəyə vaxtından tez inandıq və son onlara lazımi qədər köklənə bilmədik. Özümüzü yalnız buna görə günahlandıra bilərik''.
