Misli premyer-liqasının 30-cu turun oyunları davam edir.

"Football-plus.az" xəbər verir ki, bu gün daha 2 matç keçiriləcək. "Şamaxı" "Sumqayıt"ı qəbul edəcəksə, Masazırda liderlərin dueli baş tutacaq.

Misli premyer-liqası
4-cü dövrə, 30-cu tur
16 aprel
Şamaxı – Sumqayıt 0:0
“Şamaxı”nın bu rəqiblə ev oyunlarının balansı: 20:+10=4-6, 32:21.
2011/12 - 2:0; 2012/13 - 1:0; 2013/14 - 2:0, 2:0; 2014/15 - 5:1, 0:0; 2015/16 - 2:3, 2:2; 2016/17 - 3:1, 1:0; 2017/18 - 1:1, 1:2; 2018/19 - 1:2, 2:1; 2019/20 - 2:1; 2020/21 - 0:1, 0:1; 2021/22 - 0:2, 1:1; 2022/23 – 4:2.
Cəzalılar: Vüqar Mustafayev, Vüsal İsgəndərli (hər ikisi “Sumqayıt”).
“Futbol+”in proqnozu: 30-40-30.
Hakimlər: FƏRİD HACIYEV, Müslüm Əliyev, Kamran Bayramov, Nicat İsmayıllı.
Hakim-inspektor: İmanxan Sultani.
AFFA nümayəndəsi: İlham Əliyev.
Şamaxı. Şəhər stadionu. Saat 16.00

Qonşu pillələrdə qərarlaşan komandaların mübarizəsinin gərgin keçəcəyi gözlənilir. Bu səbəbdən də qarşılaşmanın favoriti yoxdu.

Vüqar Əsgərli - Cavid Hüseynov tandeminin rəhbərlik etdiyi komanda qələbə qazanacağı halda bir qədər rahat nəfəs alacaq. “Sumqayıt” isə 2-ci dövrədəki 2:4 hesablı məğlubiyyətin qisasını almaq arzusundadı. Qələbə “gənclik şəhəri” təmsilçisinin də rahatlaşmasına səbəb olacaq.
Komandalar Azərbaycan çempionatlarında 42 dəfə üz-üzə gəlib. Bu görüşlərin 18-də “Şamaxı”, 12-də “Sumqayıt” qələbə qazanıbsa, 12-də qalib müəyyənləşməyib. Topların nisbətində də “şirlər” öndədi – 60:45.

Sabah – Qarabağ 2:0
Coy Lens Mikels, 72, 76
“Sabah”ın bu rəqiblə ev oyunlarının balansı: 8:+0=2-6, 3:13.
2018/19 - 0:2, 1:1; 2019/20 - 0:1; 2020/21 - 1:2, 0:4; 2021/22 - 1:2, 0:1; 2022/23 – 0:0.
Cəzalı: Con İrasabal (Sabah).
“Futbol+”in proqnozu: 30-30-40.
Hakimlər: TURAL QURBANOV, Vüsal Məmmədov, Rəhman İmami, Rauf Allahverdiyev.
Hakim-inspektor: Barış Şimşək.
AFFA nümayəndəsi: Emin Cəfərov.
Bakı. “Bank Respublika Arena”. Saat 19.00

Mövsümün ən maraqla gözlənilən oyunlarından biri Masazırda keçiriləcək. Turun bağlanış matçında “Qarabağ” favoritdi. Ağdamlılar növbəti qələbəni qazanmaqla çempionluq yolunda daha bir önəmli addım atmaq niyyətindədi. “Sabah” isə buna mane olmaq istəyir.

Ümumiyyətlə, “bayquşlar” “köhlən atlar”a qarşı ilk qələbəsini əldə etmək arzusundadı. Nəzərə alaq ki, 2-ci dövrədə keçirilən qarşılaşmada azarkeş rekordu qeydə alınmışdı. Yenidən bu halın təkrarlanacağını düşünə, oyunun olduqca gərgin keçəcəyini söyləyə bilərik.

Komandalar Azərbaycan çempionatlarında 18 dəfə münasibətləri aydınlaşdırıb. Bu görüşlərin 12-də ağdamlılar qələbə qazanıb, 6-da isə heç-heçə qeydə alınıb. Topların nisbətində də “köhlən atlar” öndədi – 34:10.

15 aprel

Kəpəz – Turan Tovuz 1:0
Abdullahi Şuaybu, 8
“Kəpəz”in bu rəqiblə ev oyunlarının balansı: 1:+0=1-0, 0:0.
2022/23 – 0:0.
Cəzalı: yoxdu.
15 aprel
“Futbol+”in proqnozu: 30-40-30.
Hakimlər: ƏLİYAR AĞAYEV, Zeynal Zeynalov, Namiq Hüseynov, Rəvan Həmzəzadə.
Hakim-inspektor: Rövşən Əhmədov.
AFFA nümayəndəsi: Erkin Hüseynov.
Qəbələ. Şəhər stadionu. Saat 16.00

Qarşılaşma Gəncədə keçirilsəydi, bəlkə də “Kəpəz”i favorit saymaq olardı. Lakin hamıya bəlli səbəb üzündən görüş Qəbələdə baş tutacaq. Buna baxmayaraq, gəncəlilər azarkeşsiz qalmayacaq. Klub rəhbərliyi fanatların stadiona çatdırılması üçün avtobuslar ayırıb. Qayıdaq matça.

“Kəpəz”ə Qərb derbisində 3 xal autsayderlər qrupundan uzaqlaşmaq üçün hava-su kimi lazımdı. Bu görüşdə qazanılacaq qələbə “sarı-göylər”in daha da rahatlaşmasına səbəb olacaq. Tərlan Əhmədov və komandası elitada qalmaq baxımından bu görüşdə əldə olunacaq 3 xalın dəyərini çox yaxşı bilir. “Turan Tovuz”da isə mövqe baxımından vəziyyət o qədər də pis deyil. Lakin azarkeşlər komandanın oyunundan narazıdı. Bu səbəbdən də “boz qurdlar” Qərb derbisində qələbə qazanmalı və narazıların sırasının daha da genişlənməsinə imkan verməməlidi.

1. Qarabağ 29 24 5 0 74-16 77
2. Sabah 29 20 5 4 63-22 65
3. Neftçi 30 18 6 6 55-27 60
4. Qəbələ 30 11 9 10 38-37 42
5. Zirə 30 11 8 11 35-40 41
6. Turan Tovuz 30 7 8 15 24-40 29
7. Kəpəz 30 6 10 14 30-52 28
8. Sumqayıt 30 6 7 17 20-56 25
9. Şamaxı 30 4 10 16 24-45 22
10. Səbail 30 5 6 19 23-51 21

Bombardirlər: Musa Qurbanlı (Qarabağ) – 20, Ramil Şeydayev (Qarabağ) – 17, Coy-Lens Mikels (Sabah) – 15, Emin Mahmudov (Neftçi) – 15.