Zaqreb “Dinamo”sunda baş məşqçi dəyişikliyi olub. 69 yaşlı Ante Çaçiç istefaya göndərilib.

“Football-plus.az” xəbər verir ki, yığmamızın hazırda icarə qaydası ilə “Konyaspor”da oynayan hücumçusu Mahir Emrelinin müqavilə ilə məxsus olduğu “Dinamo”ya İqor Bişçan təyinat alıb. Onunla imzalanan müqavilənin detalları açıqlanmayıb. Son üç il yarım ərzində Xorvatiyanın U-21 yığmasını çalışdıran 44 yaşlı mütəxəssis 1996-2000 və 2008-12-ci illərdə “Dinamo”da oynayıb. O, klub tarixinin ən çox kubok qazanan futbolçularından biridi.