Artıq Lionel Messinin Fransanı tezliklə tərk edəcəyi böyük ölçüdə məlumdu.

"Football-plus.az" xəbər verir kiDünya çempionu PSJ-dəki çıxışına mövsümün sonunda yekun vuracaq.

O, klubu ilə yeni müqavilədən imtina edib. Bu barədə Veronika Brunati “tvitter” hesabında yazıb. Jurnalist argentinalı hücumçunun bu mövsümün sonunda azad agent kimi komandadan ayrılacağını bildirib. Əksər mənbələr “Barselona”nın bu həftə 35 yaşlı futbolçu ilə danışıqlara başlayacağını xəbər verir. Qeyd edək ki, İspaniya klubu Messi ilə birbaşa danışıqlar apara bilər, çünki onun PSJ ilə müqaviləsinin qüvvədən düşməsinə 6 aydan az vaxt qalıb. Bir neçə gün əvvəl “Barselona”nın Messini geri qaytarmaq üçün müqaviləni maddi cəhətdən dəstəkləyəcək əsas sponsorlarla danışıqlar apardığı iddia edilmişdi. Xatırladaq ki, Messi “Barselona”da 2004-21-ci illərdə oynayıb.

Yeri gəlmişkən, Lionelin “Əl-Hilal”dan aldığı fantastik təklifi geri çevirdiyi məlum olub. Səudiyyə Ərəbistanı klubunun ona ilə 400 milyon avro maaş ödəməyə hazır olduğu iddia edilirdi.