Niderland çempionatında tarixinin 16-cı çempionluğunu doğru irəliləyən ''Feyenoord''un ölkə kubokunu da qazanıb 40 illik fasilədən sonra ''qızıl dubl'' etmək arzusu puç oldu.

"Football-plus.az" xəbər verir ki, dünən Niderland kubokunun yarımfinalında ''Feyenoord'' öz meydanında əzəli rəqibi ''Ayaks''la qarşılaşdı və 1:2 hesabı ilə uduzaraq mübarizəni dayandırmalı oldu.

Oyuna ikinci hissənin ortalarındakı hadisə damğa vurdu. Belə ki, iki klubun kapitanları - Orkun Kökçü ilə Duşan Tadiç arasında münaqişə yaşandı. Bu an serbiyalının əli ilə yemək işarəsini göstərməsi böyük müzakirələrə səbəb oldu. Çoxlarının fikrincə Tadiç Orkun Kökçünü aşağılamağa çalışaraq onun oruc tutmasını məzə obyektinə çevirib. Bu iki futbolçu arasında münasibətlər yumşaq desək o qədər də yaxşı deyil.

Bilindiyi kimi bir müddət öncə erediviziya klublarının kapitanları Türkiyədəki zəlzələyə diqqət çəkmək üçün xüsusi hazırlanmış sarğılarla oyunlara çıxmışdılar. Həmin vaxt yalnız Tadiç sarğını taxmaqdan imtina etmiş, sonra da bunun klubun qərarı olduğunu demişdi. Buna cavab olaraq martın 19-da bu komandalar arasında Amsterdamda çempionat çərçivəsində baş tutan oyundan öncə Kökçü Tadiçin əlini sıxmaqdan imtina etmişdi. Dünənki qarşılaşmada isə bu ikili 61-ci dəqiqədə əlbəyaxa olmaq üzrə ikən digər oyunçular araya girdilər.

Bu hadisə zamanı daha bir qanqaraldıcı olay yaşandı. Tribunadan atılan yad cisim ''Ayaks''ın qələbə qolunun müəllifi olan Devi Klaassenin başına dəydi. Təcrübəli futbolçunun başı yarıldığından oyun təxminən 20 dəqiqəlik dayandırıldı. Türkiyə yığmasının da aparıcı üzvlərindən sayılan Kökçü oyundan sonra həm Tadiçin hərəkəti, həm də Klaassenin xəsarət alması haqda danışaraq bunları dedi: