''Mançester Siti''nin heyətində inanılmaz mövsüm keçirən və az qala hər oyunda bir rekord müəyyənləşdirən Erlinq Holannla bağlı xəbər var.

"Football-plus.az" xəbər verir ki, norveçli ''qol maşını'' yeni sponsorluq müqaviləsi imzalaması ilə diqqət mərkəzinə düşüb. 22 yaşlı futbolçu ''Nayk'' şirkəti ilə dördillik müqavilə imzalayıb.

Holann ''Adidas'' və ''Puma''nın təklifini geri çevirərək məhz ''Nayk''a üstünlük verib. Anlaşmanın ən diqqət çəkən tərəfi Holannın qazanacağı məbləğdi. Yeni müqaviləyə görə o hətta ''Mançester Siti''də qazandığından da çox qazanacaq.

Forvardın klubunda illik qazancı 19,5 milyon funt sterlinqdisə, ''Nayk'' ona illik 20 milyon funt sterlinq ödəyəcək! ''Nayk'' eyni zamanda Kriştiano Ronaldo, Kilian Mbappe, Markus Reşford, Kevin De Bruyne kimi ulduzlarla da əməkdaşlıq edir. Əslində Holann demək olar peşəkar karyerasının əvvəlindən bu yana məhz ''Nayk'' firmasının butslarını geyir. Sadəcə buna qədər onun şirkətlə anlaşması yox idi və bunun qarşılığında pul qazanmırdı.

ƏLİ