Emil Balayev – 2,0
Oyunboyu kobud səhvə yol vermədi. Avstriya ilə oyunda “çərçivə”də dayanan Yusif İmanov qədər həyəcanlı görünməsə də, xilaskar da ola bilmədi. Qapıya gedən hər zərbə qol oldu.
Bəhlul Mustafazadə - 2,0
Öz qapısına qol vurmaqla yanaşı, müdafiədə kobud səhvlərlə yadda qaldı. Avstriya önündə seçilənlərdən olan “Qarabağ”ın müdafiəçisi bu dəfə bərbad oyunla yadda qaldı.
Anton Krivotsyuk – 2,5
Bəhlul Mustafazadə ilə tandemdə oynamağa hazır olmadığı görünürdü. Təbii ki, bu da məşqçilər korpusunun səhvi kimi qələmə verilməlidi. Fərdi səhvə yol verməsə də, taktiki cəhətədən De Byazinin bütün qüsurlarını təmizləyə bilməzdi.
Höccət Haqverdi – 1,5
Azərbaycan millisinin şərəfini qorusa da, sanki rəqibin “12-ci oyunçu”su idi.
Elvin Cəfərquliyev – 1,5
Oyunu ilə sübut etdi ki, “Qarabağ”ın oyunun rəngini legionerlər müəyyənləşdirir. Nə qarşısında Zubir var idi, nə də arxasında Medina. Məhz bu futbolçular Elvinin ayıblarını örtür. İlk qolun əsası məhz onun hava mübarizəsində uduzmasıyla qoyuldu.
Riçard Almeyda – 3,0
Qaçdı, mübarizə apardı, vəziyyəti dəyişməyə çalışdı. Sadəcə, saatın tamamında ölkə çempionatı üçün keçərli olan 90 dəqiqəlik enerjisi tükəndi.
Emin Mahmudov – 2,5
Bir neçə epizodda hakimlə mübahisə etməklə yadda qaldı. “Neftçi”nin də şərəfini qoruyan yarımmüdafiəçiyə “professor” deyilsə də, bu dəfə heç abituriyent də deyildi. Bir neçə qolda kobud səhvlə yadda qaldı, kapitan statusunu doğrultmadı.
Aleksey İsayev – 2,0
Meydanda olduğu 82 dəqiqədə ağırlığını ortaya qoya bilmədi. Halbuki ondan gözləntilər çox idi. İsayev “Sabah”da ortaya qoyduğu performansın heç 10 faizini göstərə bilmədi.
Toral Bayramov – 2,5
Klubundakı mövqeyindən fərqli, yarımmüdafiənin sağında oynayan futbolçu oyunun müəyən dəqiqələrində adından söz etdirməyə çalışsa da, oyun təcrübəsinin azlığından əziyyət çəkməsi özünü göstərdi.
Ramil Şeydayev – 3,5
Həmişəki kimi fəal görünürdü. Xüsusilə rəqibin ilk qoluna qədər meydanda ən yaxşılardan biri idi. Ancaq Avstriya ilə matçda olduğu kimi, dəqiqələr ötdükcə kölgəyə çəkildi. Bir neçə epizodda məsuliyyəti üzərinə götürüb komandasını arxasınca aparmağa çalışsa da, arzu ilə realllq üst-üstə düşmədi. Buna baxmayaraq, yığmanın heyətində seçilənlərdən idi.
Renat Dadaşov – 2,0
Yenə topla təmin olunmadığından meydanın dərinliyinə çəkilməyə məcbur idi. Hesab 1:0 olarkən kornerdən gələn topu qapıya göndərə bilsəydi, matçda dönüş yarada bilərdi. Təəssüf ki, “Qrasshopper”in forvardı əlinə düşən yeganə fürsətdən yararlana bilmədi.
Namik Ələskərov – 2,0
73-cü dəqiqədə Cəfərquliyevi əvəzləyən futbolçu heç nə ilə yadda qalmadı. Ümumiyyətlə, yığmada nə üçün meydana çıxdığını anlamayan futbolçuların önündə gəlir.
Cəlal Hüseynov – 2,0
Yad mövqedə oynayan futbolçu meydana çıxanda artıq matçın taleyi həll olunmuşdu. Bu səbəbdən Hüseynovun nəyi düz, nəyi səhv etdiyini söyləməyin mənası yoxdu.
Musa Qurbanlı – qiymətsiz

(10 ballıq şkala üzrə)