"Bu oyuna diqqət ayırdığı üçün hər kəsə təşəkkür edirəm. Türkiyə klubları ilə oynamaq bizim üçün motivasiyadı. Matçın mahiyyətini hər kəs bilir. Xüsusi qeyd etməli bir şey yoxdu. Türkiyənin böyük klublarından olan "Qalatasaray"ı burda qonaq etmək həm "Qarabağ" üçün, həm də ölkə futbolu üçün əlamətdar hadisədi. Hər kəsi oyuna dəvət edirəm. Hər iki komanda üçün dəstək lazımdı. Düşünürəm ki, sabahkı matç bütün azarkeşlərin zövqünü oxşayacaq.

Heyətimizin tam olub-olmamasından asılı olmayaraq gücümüzü azarkeşlərimizdən almışıq. Onların sayəsində tam heyət ola bilərik. Məcburiyyətdən belədi. Əksər oyunçularımız milli komandalardadı. Rotasiyalar qaçılmazdı. Amma buna baxmayaraq Türkiyənin ən yaxşı komandası olan "Qalatasaray"a qarşı "Qarabağ"ın adı üçün oynayacağıq".