“Son 5 qarşılaşamada məğlub olmayan millinin Avstriya ilə oyunda da uğurlu seriyanı davam etdirəcəyinə inanıram. Rəqib futbol oynamağı bacaran, heyətində yetərincə güclü futbolçuların yer aldığı komandadı. Çoxları Arnautoviç və Alaba kimi tanınmış futbolçuların meydana çıxmayacağını millinin işinə yarayacağını düşünür. Ancaq unutmaq lazım deyil ki, onların əvəzinə meydana çıxacaq gənclər özlərini sübut etmək üçün ikiqat əzmlə mübarizə aparacaqlar. Ümumiyyətlə, son iki-üç ildə Avstriyada nəsildəyişmə prosesi gedir. Milliyə yeni cəlb olunanlar heç də pis təsir bağışlamırlar. Almaniyada, İngiltərədə, Belçikada legioner həyatı yaşayan və özlərini yaxşı tərəfdən göstərən legionerləri var. Ehtiyatlı oynayıb, yaranan fürsətlərdən maksimum istifadə etmək lazımdı. Son oyunlara görə eyforiyaya qapılsaq, bizi acınacaqlı məğlubiyyət gözləyir”.