"Fransaya qarşı keçirdiyimiz oyunla müqayisədə daha yaxşı çıxış etdik" - millinin baş məşqçisi
19 yaşadək futzalçılardan ibarət Azərbaycan yığma komandasının baş məşqçi əvəzi İlqar Aslanov AÇ-2023-ün əsas mərhələsi çərçivəsində keçirilmiş Bosniya və Herseqovina ilə oyunu şərh edib.
"Football-plus.az" xəbər verir ki, o, 1:4 hesabıyla məğlub olduqları görüşlə bağlı bunları söyləyib:“1:4 hesabı ilə yenilsək də, Fransaya qarşı keçirdiyimiz oyunla müqayisədə daha yaxşı çıxış etdik. Əlbəttə, təcrübəsizlik sözünü dedi. Hadisələrin gedişatı onu göstərir ki, uşaqlar oyundan oyuna daha inamlı təsir bağışlayır. Səhvlərimiz üzərində işləməliyik ki, növbəti matçlarda daha yaxşı çıxış edək. Qrupda son oyunumuzu Yunanıstana qarşı keçirəcəyik. Fransa və Bosniya və Herseqovina ilə müqayisədə onlar səviyyə baxımından bir qədər geri qalır. Amma hiss olunur ki, komanda olaraq müəyyən təcrübəyə malikdilər. Bizi maraqlı və gərgin oyun gözləyir”.
Digər xəbərlər
