AFFA-nın prezidenti Rövnəq Abdullayev, vitse-prezident Vaqif Sadıqov, İcraiyyə Komitəsinin üzvü İsgəndər Cavadov və baş katib Sərxan Hacıyev “Dalğa Arena”da milli komandanın üzvləri ilə görüşüb.
Vaqif Sadıqovdan görüş və düşərgədəki ab-hava haqda məlumat aldıq. Onun “Football-plus.az”a söylədikləri belə oldu:
“Bütün taleyüklü qarşılaşmalardan öncə AFFA rəhbərliyi olaraq milli komandamızın üzvləri ilə görüşürük. Bu görüş də ənənəvi xarakter daşıyırdı. Belə demək mümkünsə, ağsaqqal kimi futbolçulara xeyir-dua verdik.
Onların əhval-ruhiyyəsi yaxşıdı. Bizə uğurlu nəticə qazanmaq üçün əllərindən gələni edəcəklərini dedilər.
Startda qələbə qazanmaq digər oyunlar üçün motivasiya verir. İnşallah, meydandan qalib ayrılacağıq”.
KƏNAN BAHADIR