“Görüş Rəşad Məcidin təklifi ilə baş tutdu. Dəyərli insandı. Hörmət əlaməti olaraq dəvətini qəbul etdik.
Barışıq və birləşmə mövzuları ətrafında müzakirələr aparıldı. AİJA nümayəndələri olaraq fikirlərimizi bölüşdük. Biz heç kimdən küsməmişik ki, barışaq. Yaxud ayrılmamışıq ki, birləşək.

Assosiasiyamızın fəaliyyəti 30 ilə yaxın dövrü əhatə edir. Bu günə qədər həm ölkəmizdə, həm də beynəlxalq müstəvidə layihələrimiz olub. Bir çox ölkələrdə Azərbaycan təmsilçisi kimi yaddaqalan tədbirlər həyata keçirmişik. Bunların, demək olar ki, hamısı şəxsi vəsaitimiz hesabına təşkil edilib. İdman camiəsində göstərdiyimiz əvəzsiz xidmətlərdən sonra niyə bizə hansısa maneə yaradılır?

AİJ İB ilə birləşmədən söhbət gedə bilməz. Kimsə AİJA-nın tərkibində olmaq istəyirsə, qapımız açıqdı. Müraciət edən heç bir kimdən əlimizdən gələni əsirgəmərik. Görüşdə də vurğuladığım kimi, bizim heç kimlə düşmənliyimiz və qəsd-qərəzliyimiz yoxdu. Onlara uğurlar arzu edirik. Ümid edirik ki, gələcəkləri parlaq olar”.