Ronald Arauxonun aqibəti müəyyənləşib. “Barselona”nın müdafiəçisi biroyunluq cəzalanıb.

“Football-plus.az” xəbər verir ki, İspaniya Futbol Federasiyasının müvafiq komitəsi “Barselona”nın “Valensiya”ya 1:0 hesabıyla qalib gəldiyi matçda qırmızı vərəqə alan uruqvaylıya əlavə cəza verməyib. 24 yaşlı futbolçu La Liqanın 25-ci turunun martın 12-nə təyin edilən “Atletik”lə oyununu buraxacaq. Ronald martın 19-da “Real”la keçiriləcək “El Klasiko”da iştirak edə biləcək.

Qeyd edək ki, o, bu mövsüm La Liqada 13 oyuna çıxıb.

Yeri gəlmişkən, Arauxo rəsmən İspaniya vətəndaşı olub. “Mundo Deportivo” qəzetinin məlumatına görə, Uruqvay millisinin oyunçusu 2022-ci ilin dekabrında İspaniya vətəndaşlığını almaq üçün müraciət edib. O, ötən həftə şəxsiyyəti təsdiq edən rəsmi sənədini müvafiq idarədən götürüb.