“Hacı Şahin çox dəyərli insan idi” - Ruhid Usubov
Bildiyiniz kimi din xadimi, Məşədi Dadaş məscidinin axundu Hacı Şahin Həsənli 48 yaşında dünyasını dəyişib.
Onun vaxtsız vəfatı ölkədə geniş əks-səda doğurmaqla yanaşı, xüsusilə inanclı və dindar kəsimi sarsıtdı. Mərhum ilahiyyatçı alim futbola da biganə olmayıb. Sosial şəbəkələrdə onun gənc yaşlarında futbol yarışının qaliblərini mükafatlandırdıcı görünür. Hacı Şahin Məşədi Dadaş məclisindəki son cümə xütbəsində də insani şövqdən danışarkən futbolçuların qol sevincini nümunə göstərib. Ölkə futbolunda da din xadiminin ölümünə kədərlənənlər az olmadı. Hətta bir çox məşqçi və futbolçular Hacı Şahinlə birgə və ya onun ayrıca şəkillərini paylaşdı.
"Football-plus.az" olaraq, həmin futbol adamlarından “İmişli”nin baş məşqçisi Ruhid Usubovun fikrini öyrəndik:
"Hacı Şahin çox dəyərli insan idi bizim üçün. Rayonumuza dəfələrlə gəlib, dəyərli məsləhətlər verib, cox təsir edib bizə. Allah dəyərli ilahiyyatçımıza rəhmət eləsin, onu sevənlərə səbr versin".
Digər xəbərlər
