"Yaxşı oyun oldu. Matça əla başladıq. Başlanğıcda daha aqressiv olmalıydıq. Bu oyun üçün bütün planlarımızı yerinə yetirə bildik. Futbolçularımı təbrik edirəm. Kubokda da döyüşmək lazım olacaq. Bu turnir biraz fərqlidi. İlk matça hələ çox var. Qarşıdakı oyunlara köklənməliyik. Çalışırıq, son oyunlarda bütün oyunçuları öz mövqelərində oynadaq. Heyətə baxdıqda demək olar, zədəli futbolçumuz yox idi. Bir neçə oyundu, eyni heyətlə çıxa bilirik. Bunu görə bilərsiniz. Yaxşı oyunçularımız var, məşqlərimizin səviyyəsi də artıb. Xoşbəxtəm. Sezar Meza Kolli qayıtdı, qol vurdu. Eddi İsrafilov da neçə oyundu, bizimlədi. Kenni Sayef, Vato Arveladze, Mateus Saldanya da yaxşı formadadı. Emin Mahmudov da formasını bərpa edir. Bizim oyunumuz daha yaxşılaşır. Emin təlim-məşq toplanışında zədə almışdı. Ona görə performansında eniş var idi. Lakin son zamanlarda məşqləri ağrısız keçirir. Və siz həqiqi Emini görürsüz. Sizi əmin edə bilərəm ki, Emin komandada qalmaq istəyir. Mənim də arzum budu. O, peşəkar futbolçudur. Bu cür xəbərlərlə çox qarşılaşıb. Bu haqda çox danışmalı deyilik. Eminin üzərində təzyiq yaratmalı deyilik. O, özü və ailəsi üçün ən yaxşı qərar nədisə, onu seçəcək. Vatoya ümidim böyükdü. Topla rahat rəftar edir. Öz mövqeyi uğrunda daha çox mübarizə aparmalıdı. Vato mükəmməl oyunçu ola bilər. Onda bu keyfiyyət və xarakter var. Lakin son 2-3 ildə çox zədə alıb. Buna görə ona bir az da vaxt lazımdı".