“Spetsiya”nın yeni baş məşqçisi müəyyənləşib. İtaliya klubunun saytı bu vəzifəyə Leonardo Sempliçinin təyin edildiyini xəbər verib.

Football-plus.az xəbər verir ki, 55 yaşlı mütəxəssis bir neçə gün əvvəl istefaya göndərilən Luka Qottini əvəzləyib. Onunla imzalanan müqavilənin müddəti cari mövsümün sonuna qədər nəzərdə tutulub. Sempliçini yeni işyerində çətin missiya gözləyir. O, hazırda A seriyasında 23 oyuna 19 xalla 17-ci yerdə olan “Spetsiya”nı aşağı diviziona düşməkdən xilas etməlidi.