“Everton”da baş məşqçi problemi yoluna qoyulub. İngiltərə klubunu bundan sonra Şon Dayç çalışdıracaq.

O, baş məşqçi vəzifəsindən istefaya göndərilən Frenk Lempardı əvəzləyəcək. Hələ ki ingiltərəli mütəxəssislə imzalanan müqavilənin şərtləri haqda məlumat verilməyib. 51 yaşlı Dayç 10 il (2012-2022) “Bernli”ni çalışdırıb. 2016-cı ildə onun rəhbərliyi ilə çempionşipin qalibi olan komanda premier-liqaya yüksəlib.
Dayçı yeni iş yerində çətin missiya gözləyir. O, hazırda turnir cədvəlində sonuncu yeri tuan “Everton”u 2-ci diviziona düşməkdən xilas etməlidi.