Bukmeker kontorunun 200 min dollarından imtina edib

Dağıstan əsilli britaniyalı döyüşçü Məhəmməd Mokayev ona bukmeker kontorunun reklamına görə 200 min dollar təklif edildiyini bildirib.

O, “tvitter” hesabında belə yazıb:

“Bukmeker kontorunun sponsorluğuna görə mənə 200 min dollar təklif etdilər. Bir dəfə demişəm, indi yenidən təkrarlayıram: ehtiraslı oyunları, spirtli içkiləri və ya narkotikləri heç vaxt reklam etməyəcəm. Allah mənə istədiyimdən artığını verib. Əlhəmdülillah, 10 il əvvəl Allahdan istədiyimdən daha artığına nail olmuşam”.

Mokayevin peşəkar rinqdə növbəti döyüşünü martın 18-də Londonda keçiriləcək UFC 286 turniri çərçivəsində Jafel Kavalkante Filyoya qarşı olacaq.