Qana Futbol Federasiyası Kristian Atsu ilə bağlı yeni qərar qəbul edib.

Football-plus.az xəbər verir ki, bu yaxınlarda dünyasını dəyişən 31 yaşlı yarımmüdafiəçinin forması əbədiləşdirilib.

Bundan sonra Qana yığmasında ''7'' nömrəli formanı heç kim geyməyəcək. Bunu federasiya rəsmisi Linford Boadu açıqlayıb. O, Atsunun ölkəsinə bağlı insan olduğunu və Qana üçün əlindən gələni etdiyini vurğulayıb.

Xatırladaq ki, karyerasını ''Hatayspor''da davam etdirən Atsu Türkiyədə baş vermiş dəhşətli zəlzələdə dünyasını dəyişmişdi. Onun cəsədi 12 gündən sonra dağıntılar altından çıxarılaraq vətəninə göndərilmişdi. Atsu Qana yığmasının şərəfini 2012-19-cu illərdə qorumuş və bu müddətdə 65 oyuna 9 qol vurmuşdu.