“Mançester Siti”nin sabiq oyunçusu Vilfrid Boni özünə yeni iş yeri tapıb. Afrikalı futbolçu karyerasını Boliviyada davam etdirəcək.

Football-plus.az xəbər verir ki, Kot d’İvuar yığmasında 56 oyuna 16 qol vuran hücumçu “Olveys Redi” ilə anlaşıb. Klubun mətbuat xidmətinin məlumatında onunla imzalanan müqavilənin müddəti barədə məlumat verilməyib.

Qeyd edək ki, Vilfrid Siril Domoro adına Akademiyanın yetirməsidi. O, karyerası ərzində “Mançester Siti”nin formasını 2015-17-ci illərdə geyib. Hücumçu İngiltərə nəhəngindən başqa “Sparta”, “Vitess”, “Suonsi”, “Stok Siti”, “Əl-Ərəbi” və “Əl-İttihad”da da çıxış edib. 34 yaşlı Boninin sonuncu klubu Niderland “Neymegen”i olub.