Böyük ümidlərlə transfer olunmasına baxmayaraq, hələ ki kölgədə olan oyunçulardan biri də Yusuf Dəmirdi.

19 yaşlı vinger mövsümün əvvəllərində “Rapid”dən 6 milyon avro qarşılığında transfer edilmişdi. “Cim-Bom” bu məbləği qarşı tərəfə hissə-hissə ödəməyi öhdəliyinə götürmüşdü. Bu arada məlub olub ki, “sarı-qırmızılar” hələ də vyanalıların hesabın pul köçürməyib. Halbuki pulun bir hissəsi artıq ödənilməliydi. “Rapid” rəsmiləri həm Türkiyə Futbol Federasiyasını, həm də UEFA-nı bununla bağlı məlumatlandırıblar. “Qalatasaray” Yusufu təcrübə toplaması üçün icarəyə göndərmək istəyir. Avstriya yığmasının üzvünə ən çox maraq göstərən klub “Kasımpaşa”dı. Amma problem ondadı ki, türkəsilli avstriyalı futbolçu mövsümə “Rapid”in heyətində başladıqdan sonra “Qalatasaray”a gəlib. Yəni o, bu mövsüm artıq 2 klubda top qovub. TFF-nin qaydalarına görə bir futbolçunun bir mövsümün ərzində 2-dən artıq klubda oynamaq şansı yoxdu. Düzdü, zəlzələdən sonra TFF-nin bu qərarı dəyişəcəyi ilə bağlı şayiələr yayılmışdı. Hələ ki yenilik yoxdu. Qərar dəyişsə, Yusuf mövsümün qalan hissəsini “Kasımpaşa”da keçirəcək.

Bundan başqa, 1-ci liqa təmsilçisi “Eyupspor” da “Qalatasaray”a rəsmi təklif irəli sürüb. Amma Yusuf aşağı liqada oynamaq istəmədiyi üçün razılıq verməyib. Türkiyədə vaxtı iki dəfə uzadılan “transfer pəncərəsi”nin martın 5-də bağlanacağını da xatırladaq.