Konfrans Liqasında pley-off mərhələsinə yekun vurulub.

Təmsilçimiz "Qarabağ" "Gent"in qonağı olub. Penaltilər seriyasına qədər davam edən cütdən ağdamlılar məğlub ayrılıb.

Konfrans Liqası
pley-off, cavab oyunu
Gent (Belçika) – Qarabağ 1:0 pen. 5:3
Villi Orban, 74
Penaltilər seriyası:
Jülyen De Sart (1:0)
Riçard Almeyda (1:1)
Uqo Kuypers (2:1)
Adama Diakabi (2:2)
Villi Orban (3:2)
Toral Bayramov (3:3)
Süleyman Marre (4:3)
Yassin Benzia (4:3)
Sederik van Dale (5:3)
"Gent": 33.Deyvi Rof, 5.Mişel Nqadye-Nqacui, 7.Xönseok Xon, 11.Uqo Kuypers, 13.Jülyen De Sart, 14. Alessio Kastro-Montes, 23.Cordan Torunariqa, 24.Sven Kums, 25.Nurio Fortuna, 29.Loran Depuatr, 31.Bruno Qodo
Ehtiyat oyunçular: 1.Pol Nardi, 2.Cozef Okumu, 10.Yens Petter Hauge, 12.Noa de Ridder, 15.Bram Laqae, 19.Malik Fofana, 20. Villi Orban, 22.Süleyman Marre, 27.Rune van den Berq, 28.Robbi van Hater, 35.Sederik van Dale, 39.Matias Fernandes
Baş məşqçi: Hein Vanhazebruk

"Qarabağ": 23. Luka Quqeşaşvili. 6. Julio Romao, 9. Musa Qurbanlı, 10. Abdullah Zubir, 13. Bəhlul Mustafazadə, 15. Leandro Andrade, 20. Riçard Almeyda, 29. Marko Veşoviç, 44. Elvin Cəfərquliyev, 55. Bədavi Hüseynov, 77. Ramil Şeydayev
Ehtiyat oyunçular: 89. Amin Ramazanov, 94. Ayhan Arazlı, 2. Qara Qarayev, 4. Rahil Məmmədov, 5. Maksim Medvedev, 7. Yassin Benzia, 18. İsmayıl İbrahimli, 19. Filip Ozobiç, 20. Toral Bayramov, 87. Adama Diakabi, 99. Redon Cica
Baş məşqçi: Qurban Qurbanov
Hakimlər: UİLYAM KOLLAM, Frensis Konnor, David Rum, Nikolas Uolş (hamısı Şotlandiya).
VAR hakimi: Devit Kut (İngiltərə).
VAR hakiminin köməkçisi: Li Betts (İngiltərə).
Hakim-inspektor: Elmir Pilav (Bosniya və Hersoqovina).
UEFA nümayəndəsi: Markku Lehtola (Finlandiya).

23 fevral. Gent. “KAA Gent” stadionu. Saat 00.00
İlk oyun – 0:1.

Beləliklə, ağdamlılar tarixində ilk dəfə avrokubokların 1/8 finalında mübarizə apara bilər. Bunun üçün Bakıda qazanılan qələbəni qorumaq lazımdı. Amma “Qarabağ”ın işi asan olmayacaq. Səfər amili öz yerində, çempionumuz heyətlə bağlı da çətinliklə üzləşib. Şahruddin Məhəmmədəliyev, Abbas Hüseynov və Marko Yankoviç zədə, Kevin Medina isə cəza səbəbindən meydana çıxa bilməyəcək. İlk oyundakı nəticəyə görə ağdamlıları favorit saymaq olar . Lakin “Gent”in növbəti mərhələyə yüksəlməsi də sensasiya sayılmayacaq.

Ən maraqlı məqam “Qarabağ”ın meydana hansı heyətlə çıxacağıdı. “Zirə” ilə son oyunda Qurban Qurbanov “Gent”lə görüşdəki “11-liy”i qorudu. Bu səbəbdən də 50 yaşlı mütəxəssisin aşağıdakı “11-liy”ə güvənəcəyini düşünmək mümkündü: Luka Quqeşaşvili, Elvin Cəfərquliyev, Bəhlul Mustafazadə, Bədavi Hüseynov, Marko Veşoviç, Julio Romao, Qara Qarayev, Abdulla Zubir, Leandro Andrade, Ramil Şeydayev, Musa Qurbanlı.

Qurban bəy hazır olan futbolçulara güvənməyi sevən mütəxəssisdi. Qara Qarayev Marko Yankoviçi əvəzləməyə ən real namizəddi. Milli üzvünün müdafiəyəmeyilli oynadığını da nəzərə alsaq, doğru seçim olduğunu düşünmək olar. Hər halda, “Qarabağ”a ümidlərimiz böyükdü. Bu işi bu gecə bitirmək lazımdı. Haydı, irəli, “Qarabağ”!