Konfrans Liqası
pley-off, ilk oyun

Qarabağ – Gent (Belçika) 1:0 (0:0)
23. Luka Quqeşaşvili
44. Elvin Cəfərquliyev
55. Bədavi Hüseynov (k)
13. Bəhlul Mustafazadə
29. Marko Veşoviç
6. Julio Romao
8. Marko Yankoviç
(20. Riçard Almeyda, 90)
10. Abdulla Zubir
15. Leandro Andrade
(7. Yassin Benzya, 79)
77. Ramil Şeydayev
(99. Redon Cica, 79)
9. Musa Qurbanlı
(87. Adama Diakabi, 66)
Ehtiyat oyunçular
89. Amin Ramazanov
94. Ayhan Arazlı
2. Qara Qarayev
4. Rahil Məmmədov
5. Maksim Medvedev
18. İsmayıl İbrahimli
19. Filip Ozobiç
27. Toral Bayramov
Baş məşqçi: Qurban Qurbanov

33. Deyvi Ruf
31. Bruno Qodo
(25. Nurio Fortuna, 86)
23. Cordan Torunariqa
5. Mişel Nqade-Nqacui
2. Cozef Okumu
(19. Malik Fofana, 90+2)
7. Hön-seok Honq
24. Sven Kums (k)
(22. Suleyman Marre, 86)
13. Jülyen De Sart
14. Alessio Kastro-Montes
(17. Endryü Yulsager, 60)
11. Uqo Kuypers
(29. Loran Depuatr, 86)
20. Villi Orban
Ehtiyat oyunçular
1. Pol Nardi
10. Yens Petter Hauge
Baş məşqçi: Veyn Vanhazebruk
Qol: L.Andrade, 78.
R.Şeydayev 51-ci dəqiqədə penaltidən yararlana bilməyib (qapıçı).
Vərəqələr: C.Torunariqa, 51. J.D.Sart, 71. L.Quqeşaşvili, 90+2. R.Cica, 90+6 – sarı.
Hakimlər: MƏHƏMMƏD ƏL-HAKİM, Fredrik Kliver, Robin Vilde, Boyan Pandziç (hamısı İsveç).
VAR hakimi: Bartoş Frankovsk (Polşa).
VAR hakiminin köməkçisi: Pavel Pskit (Polşa).
Hakim-inspektor: Uno Tutk (Estoniya).
UEFA nümayəndəsi: Peadar Ryan (İrlandiya).
16 fevral. Bakı. Tofiq Bəhramov adına Respublika stadionu. 25452 tamaşaçı.
Birinci hissəyə 2, ikinci hissəyə 8 dəqiqə əlavə olunub.
14 (4) qapıya (“çərçivə”yə) zərbə 7 (0)
7 künc zərbəsi 5
1 ofsayd 1
9 qayda pozuntusu 7
2 sarı (qırmızı) vərəqə 2
48 topa sahibolma (faizlə) 52

Ağdamlıların meydana hansı heyətlə meydana çıxacağı maraqla gözlənilirdi. Əsas sual doğuran məqam qolkiperlə bağlı idi. Qapıda Lukanın dayanması futbol ictimaiyyəti üçün böyük sürpriz oldu. Əvvəlcədən deyək ki, gürcü bu seçimi doğrultdu. Həm çıxışlarda, həm də “çərçivə”də etibarlı təsir bağışladı. Ümumiyyətlə, Qurban Qurbanov bu görüş üçün maraqlı plan hazırlamışdı. Premyer-liqada ardıcıl görüşlərdə, demək olar ki, ancaq eyni heyətə güvənildi. Bu futbolçular “Gent”lə oyuna hazırlandı. Bir-birini yaxşı tanıyan və oyun üslubuna bələd olanlar belçikalılarla görüşdə büdrəmədi. Hətta rəqibdən daha yaxşı mübarizə apardı. Düzdü, müdafiənin mərkəzində çıxış edən Bəhlulun üzərinə daha böyük yük düşdü. Milli üzvünün kritik müdaxilələri olmasıydı, bəlkə də belçikalılar meydanda daha rahat olardı. Qurban Qurbanovun yeni tapıntısı isə Julio oldu. Braziliyalı rahat oyunu ilə dayaq yarımmüdafiəsinin etibarlı əllərdə olduğunu göstərdi.

50 yaşlı mütəxəssisin əsas planı nə idi? Qurban Qurbanov bu heyətlə “Gent”i yorub, 70-ci dəqiqədən sonra dəyişikliklərlə həlledici zərbə endirməyə çalışacaqdı. Lakin 51-ci dəqiqədə Ramilin penaltini qaçırması, Musanın rəqibin müdafiəsini çaş-baş salması ilk “11-liy”ə daha çox güvənilməsinə şərait yaratdı. Leandronun da mərkəzdə dirijorluq qabiliyyətinin artması Qurbanovu ümidləndirdi. 78-ci dəqiqədə “Gent” müdafiəsinin səhvindən sonra Yankoviçin ideal asmasını qola çevirən kabo verdeli belə davam edəcəyi təqdirdə Ağdam təmsilçisinin yeni ulduzu ola bilər. Hesab açılana kimi, ümumiyyətlə, komandanın ən zəif nöqtəsi Şeydayev idi. Milli üzvünün itirdiyi toplardan sonra “Qarabağ”ın qapısı önündə problemlər yaşanırdı.

Sona 10 dəqiqə qalmış Qurban Qurbanov artıq üç yeni transferi meydana buraxmışdı. Benzya, Diakabi və Cica “Qarabağ”ın oyunun axarına daha ciddi nəzarət etməsində rol oynadı. Hiss olunur ki, növbəti matçlarda təcrübəli mütəxəssis onların xidmətindən daha çox yararlanacaq.
İlk hissədə bəzi nüansları nəzərə almasaq, demək olar ki, rəqibini üstələyən “Qarabağ” layiq olduğu qələbəni qazandı. Hələ onu demirik ki, Zubir əlverişli mövqedən fərqlənsəydi, Cicanın zərbəsi tirə tuş gəlməsəydi, fərq daha böyük olardı. Amma olmadı. İndi cavab görüşündə qələbə hesabını qoruyub, tarixdə ilk dəfə 1/8 finala adlamaq lazımdı.

İLKİN SULTANLI