Bu gün ölkə klubları 2023-ci ildə avrokuboklarda ilk oyununa çıxıb.

Son çempion “Qarabağ”ın “Gent”lə qarşılaşmasını “CBC Sport” göstərib.

Konfrans Liqası
pley-off, ilk oyun
16 fevral
Qarabağ – Gent (Belçika) 1:0
Leandro Andrade, 78
Qolla nəticələnməyən penalti: Ramil Şeydayev, 52.
"Qarabağ": 23. Luka Quqeşaşvili. 6. Julio Romao, 8. Marko Yankoviç, 9. Musa Qurbanlı, 10. Abdullah Zubir, 13. Bəhlul Mustafazadə, 15. Leandro Andrade, 29. Marko Veşoviç, 44. Elvin Cəfərquliyev, 55. Bədavi Hüseynov, 77. Ramil Şeydayev
Ehtiyar oyunçular: 89. Amin Ramazanov, 94. Ayhan Arazlı, 2. Qara Qarayev, 4. Rahil Məmmədov, 5. Maksim Medvedev, 7. Yassin Benzia, 18. İsmayıl İbrahimli, 19. Filip Ozobiç, 20. Riçard Almeyda, 27. Toral Bayramov, 87. Adama Diakabi, 99. Redon Cica
Baş məşqçi: Qurban Qurbanov

"Gent": 33.Deyvi Rof, 2.Cozef Okumu, 5.Mişel Nqadye-Nqacui, 7.Xönseok Xon, 11.Uqo Kuypers, 13.Jülyen De Sart, 14. Alessio Kastro-Montes, 20. Villi Orban, 23.Cordan Torunariqa, 24.Sven Kums, 31.Bruno Qodo
Ehtiyat oyunçular: 1.Pol Nardi, 10.Yens Petter Hauge, 17.Endryu Yuseya, 19.Malik Fofana, 22.Süleyman Marre, 25.Nuriu Fortuna, 29.Loran Depuatr
Baş məşqçi: Hein Vanhazebruk
Hakimlər: MƏHƏMMƏD ƏL-HAKİM, Fredrik Kliver, Robin Vilde, Boyan Pandziç (hamısı İsveç).
VAR hakimi: Bartoş Frankovski (Polşa).
VAR hakiminin köməkçisi: Pavel Pskit (Polşa).
Hakim-inspektor: Uno Tutk (Estoniya).
UEFA nümayəndəsi: Peadar Rayan (İrlandiya).
Bakı. Tofiq Bəhramov adına Respublika stadionu. Saat 21.45

Futbol ictimaiyyətinin səbirsizliklə gözlədiyi oyuna saatlar qaldı. Ağdamlılar bu gün qələbə qazanmalıdı. Çoxları Şahruddin Məhəmmədəliyevin yoxluğunu problem sayır. Əsas məqam isə müdafiənin mərkəzindəki boşluqdu. “Arxa xətt yaxşı olsa, qapıçı da etibarlı oynayar” prinsipi ilə yanaşsaq, “Qarabağ”da bu mövqelərin ikisi də problemlidi. Medina cəzalı olduğuna görə meydana çıxmayacaq. Bədavi – Bəhlul ikilisi mövsümün əvvəlində çox yaxşı formada idi. İndi isə vəziyyət dəyişib. “Onlardan birinə nəsə olsa, “köhlən atlar”ın durumu daha da pis olacaq” deyərək, özümüzü qorxutmayaq. Çünki belçikalılarda da vəziyyət o qədər yaxşı deyil. “Gent”in 5 futbolçusu zədəlidi. Vadis Odija-Ofoe, Matis Samuaz, Tarık Tissaudali, Darko Lemaiç və Nurio Fortuna bu görüşdə iştirak edə bilməyəcək. Yəni güc baxımından hansı komandanın üstün olduğunu deyə bilmərik. Taktika və təcrübə baxımından isə Qurban Qurbanovun komandası bir yox, iki-üç addım öndədi.
Komandalar indiyə kimi üz-üzə gəlməyib. Lakin bu görüş “Qarabağ”ın belçikalılara qarşı 5-ci sınağıdı. Ağdamlılar 2011/12 mövsümündə Avropa Liqasının təsnifatında “Brügge” ilə qarşılaşıb. Səfərdə 1:4 hesabı ilə uduzan komandamız evdə qələbə (1:0) qazansa da, mərhələni keçə bilməyib. Növbəti sınaq isə Avropa Liqasında 2015/16 mövsümünün qrupuna təsadüf edib. Onda Bakıdakı oyunda ağdamlılar 1:0 hesablı qələbə qazanıb. Cavab görüşündə isə 1:2 hesabıyla uduzublar. Beləliklə, “Qarabağ”la Belçika təmsilçiləri arasında hesab 2:2 olsa da, top fərqi 4:6-dı.

İLKİN SULTANLI