“Mən də o tərbiyənin, mədəniyyətin sahibi deyiləm ki…”
Qərb derbisindən – “Turan Tovuz” – “Kəpəz” oyunundan sonra Gəncə təmsilçisinin rəhbər şəxsləri komandanın avtobusunun yanında bir araya gələrək, nəyisə ciddi müzakirə edirdilər.
Bundan bir neçə dəqiqə sonra "Kəpəz"in kuratoru İsgəndər Cavadov klubun mühafizə xidmətinin rəisi Elmar Əliyevi yanına çağıraraq aqressiv şəkildə ona nəsə dedi. Məsələni aydınlaşdırmaq üçün Elmar bəylə əlaqə saxladıq:
"Əvvəla onu deyim ki, İsgəndər müəllim ağsaqqalımız və hörmətli simamızdı. Ona hörmət etmək hər birimizin borcudu. Mən də o tərbiyənin, mədəniyyətin sahibi deyiləm ki, özümdən yaşca böyük insanlara hörmətsizlik edim. Sadəcə, həm İsgəndər müəllim, həm də mən danışanda səsimiz gur gəlir. Ola bilər, kənardan baxanlar bunu fərqli başa düşüb. Uzun sözün qısası, nə İsgəndər müəllim aqressivlik göstərib, nə də mübahisə etmişik. Sadəcə, komandamızın oyunu ilə bağlı söhbət edirdik".
Digər xəbərlər
