"Biz klub olaraq hər oyundan sonra yığışıb müzakirələr edir, bir-birimizin dərd-sərindən agah olur, problemləri axtarmağa çalışırıq. Hazırda komandamız sonuncu pillədə qərarlaşıb. Əlbəttə, bu durumdan razı ola bilmərik. Hamımız "Kəpəz" üçün yanırıq. İnanıram ki, Tərlan Əhmədov da çox narahatdı. O özünə görə ad-sanı olan mütəxəssislərimizdəndi. Nə özü, nə də klub üçün pis nəticələr göstərmək istəməz. Hazırda hamılıqla əlimizdən gələni etməliyik ki, "Kəpəz"i “qara zolaq”dan çıxaraq. Biz nəticələrdən razı olmadığımız kimi, azarkeşlər də narazıdı. Onların “istefa” şüarı səsləndirməsi də normaldı. Çalışacağıq ki, yenidən fanatlarımızı sevindirək. Haqqımızda dedi-qodu yayanlar da var. Klubun uğursuzluğundan ara qarışdırmaq məqsədilə istifadə etməyə çalışanlar var. Azarkeşlər arasında da belələrinə rast gəlmək olar. Belə hərəkətlər xoş deyil. Onlara demək istəyirəm ki, belə hallara son qoyub komandamıza dəstək olmaları yaxşıdı".