AFFA İntizam Komitəsinin iclası keçirilib.

Football-plus.az xəbər verir ki, toplantıda 1-ci divizionun 14-cü turunun oyunları ilə bağlı aşağıdakı qərarlar qəbul edilib:

“Araz Naxçıvan” - “Neftçi-2” oyununda “Neftçi-2” komandasının 7 oyunçusu sarı vərəqə ilə cəzalandığı üçün klub 80 manat cərimə edilsin.

“Araz Naxçıvan” - “Neftçi-2” oyununda “Neftçi-2” komandasının 83 nömrəli futbolçusu Ülvü Mədətov oyunun 58-ci dəqiqəsində təhqiredici hərəkət, söz və jestlər etdiyinə görə birbaşa qırmızı vərəqə ilə meydançadan kənarlaşdırıldığı üçün 4 oyun cəzalandırılsın və klub 320 manat cərimə edilsin .

“Araz Naxçıvan” - “Neftçi-2” oyununda “Neftçi-2” komandasının baş məşqçisi Rəşad Abdullayev oyunun 58-ci dəqiqəsində hakimləri təhqir etdiyinə görə qırmızı vərəqə ilə meydançadan kənarlaşdırıldığı üçün 5 oyun cəzalandırılsın və klub 400 manat cərimə edilsin.

“Araz Naxçıvan” - “Neftçi-2” oyununda “Araz Naxçıvan” komandasının 52 nömrəli futbolçusu Emil Bayramov oyunun 90+5-ci dəqiqəsində ikinci sarı vərəqədən qırmızı vərəqə alaraq meydançadan kənarlaşdırıldığına görə 1 oyun cəzalandırılsın və klub 20 manat cərimə edilsin.

“Araz Naxçıvan” - “Neftçi-2” oyununda “Neftçi-2” komandasının 57 nömrəli futbolçusu Bahadur Quliyev oyunun 90+6-cı dəqiqəsində söz və hərəkətlə etiraz etdiyinə görə ikinci sarı vərəqədən qırmızı vərəqə alaraq meydançadan kənarlaşdırıldığı üçün 1 oyun cəzalandırılsın və klub 20 manat cərimə edilsin.

“Araz Naxçıvan” - “Neftçi-2” oyununda “Neftçi-2” komandasının 84 nömrəli futbolçusu Hüseyn Babayev oyundan sonra söz və hərəkətlə etiraz etdiyinə görə ikinci sarı vərəqədən qırmızı vərəqə alaraq meydançadan kənarlaşdırıldığı üçün 1 oyun cəzalandırılsın və klub 20 manat cərimə edilsin.

“Araz Naxçıvan” - “Neftçi-2” oyununda “Araz Naxçıvan” komandasının 1 nömrəli futbolçusu Vüsal Şabanov oyundan sonra təhqiredici hərəkət, söz və jestlər etdiyinə görə birbaşa qırmızı vərəqə ilə meydançadan kənarlaşdırıldığı üçün 3 oyun cəzalandırılsın və klub 160 manat cərimə edilsin.

“Mingəçevir” - “Qaradağ Lökbatan” oyununda “Mingəçevir” klubunun 6 oyunçusu sarı vərəqə ilə cəzalandığı üçün klub 80 manat cərimə edilsin.

“Mingəçevir” - “Qaradağ Lökbatan” oyununda “Mingəçevir” komandasının 97 nömrəli futbolçusu Tural Məmmədov 62-ci dəqiqədə təcavüzkar davranışa görə birbaşa qırmızı vərəqə ilə meydançadan kənarlaşdırıldığı üçün 1 oyun cəzalandırılsın və klub 160 manat cərimə edilsin.

“Mingəçevir” - “Qaradağ Lökbatan” oyununda “Mingəçevir” komandasının azarkeşləri tərəfindən oyunun rəsmi şəxslərinin təhqir edilməsinə görə “Mingəçevir” klubu 400 manat cərimə edilsin.

“Turan Tovuz-2” - “Qarabağ-2” oyununda Təcili Tibbi Yardım maşınının gecikməsinə görə “Turan Tovuz-2” klubu 160 manat cərimə edilsin.

“Zirə-2” - “İmişli” oyununda polis əməkdaşının oyunöncəsi iclasa gecikməsinə görə 40 manat cərimə edilsin.