Batut gimnastikası üzrə millinin üzvü Selcan Mahsudova Azərbaycan Gimnastika Federasiyasının mətbuat xidmətinə açıqlama verib.

20 yaşlı idmançı fevralın 18-19-da Milli Gimnastika Arenasında keçiriləcək yarışa hazırlığın yüksək səviyyədə davam etdiyini söyləyib:

“2023-cü illə bağlı hədəfim Bakıda keçiriləcək dünya kubokunda medal qazanmaqdı. Zədədən sonra formamı yenidən bərpa etmişəm və məşqləri davam etdirirəm. Dünya kubokunda yaxşı nəticə göstərmək üçün əlimdən gələni edəcəm. “Doğma divarlar” ilə ölkə xaricində çıxış etmək arasında fərq var. Çünki öz evində yarışmaq daha məsuliyyətlidi. Bakıdakı yarışdan sonra keçiriləcək dünya kuboklarında da finalda iştirak etmək istəyirəm. Əsas məqsədim isə ilin sonlarında baş tutacaq dünya çempionatında Olimpiadaya lisenziya qazanmaqdı”.