"Sumqayıt” daha bir futbolçunu heyətinə cəlb edib.

Football-plus.az xəbər verir ki, bu barədə klubun saytı məlumat yayıb.

Bildirilib ki, son olaraq Rusiya “Arsenal”ında (Tula) çıxış etmiş Kamran Əliyevlə 2,5 illik müqavilə imzalanıb.

24 yaşlı azərbaycanlı futbolçu “Sumqayıt”ın heyətində “23” nömrəli formada çıxış edəcək.

Qeyd edək ki, Rusiyanın “Ximki” klubunun yetirməsi olan Kamran Əliyev karyerası ərzində “SKA Xabarovsk” və “Arsenal” (Tula) komandalarında da çıxış edib. Kamran 21 yaşadək futbolçulardan ibarət milli komandamızın heyətində 2 oyun keçirib.